ବସ୍ ରେ ବିସ୍ଫୋରଣ ୧୮ ଗୁରୁତର

ଜମ୍ମୁ ସହରର ମୁଖ୍ୟ ବସ୍ଷ୍ଟାଣ୍ଡରେ ଗୁରୁବାର ଗ୍ରେନେଡ୍ ବିସ୍ଫୋରଣ ହୋଇଛି। ଏକ ବସ୍ ଭିତରେ ଏହି ବିସ୍ଫୋରଣ ହୋଇଥିବା ସୂଚନା ମିଳିଛି। ଏଥିରେ ୧୮ ଜଣ ଆହତ ହୋଇଛନ୍ତି। ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।ବିସ୍ଫୋରଣ ବେଳେ ବସ୍ ଭିତରେ କେହି ଯାତ୍ରୀ ଥିଲେ କି ନାହିଁ, ତାହା ସ୍ପଷ୍ଟ ହୋଇପାରିନି। ପୁଲିସ୍ ଦେଇଥିବା ସୂଚନା ମୁତାବକ, ଅଧିକାଂଶ ବସ୍ ଡ୍ରାଇଭର ଓ କଣ୍ଡକ୍ଟର ଏହି ବିସ୍ଫୋରଣରେ ଆହତ ହୋଇଛନ୍ତି।ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି, ପ୍ରଥମେ ମୁଁ ଭାବିଲି ବସ୍ ଚକା ଫାଟିଲା। କିନ୍ତୁ ବିସ୍ଫୋରଣର ତୀବ୍ରତା ବହୁତ ଜୋର ଥିଲା। ସ୍ଥାନୀୟ ଲୋକେ ଆହତମାନଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ନେଇଥିଲେ।
ଅଧିକ ସୂଚନାକୁ ଅପେକ୍ଷା କରାଯାଇଛି।