ବାଇକ୍ ଦୁର୍ଘଟଣା, ଅଚେତ ଅବସ୍ଥାରେ ଯୁବକ ଉଦ୍ଧାର

ଦଶପଲ୍ଲା (ଯୁଗାବ୍ଦ ନ୍ୟୁଜ୍): ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥର ତୁମାଣ୍ଡି ନିକଟରେ ଏକ ବାଇକ୍ ଦୁର୍ଘଟଣାରେ ଜଣେ ଯୁବକ ଗୁରୁତର ହୋଇଛନ୍ତି । ଗୁରୁତର ଯୁବକ ଜଣଙ୍କ ହେଲେ ଟାକରା ଚିଲିପଥର ଗ୍ରାମର କାବୁ ଜାନି(୨୫) । ଅପରାହ୍ନ ପ୍ରାୟ ସାଢେ ୬ ଟାରେ କାବୁ ଓ ଗମ୍ଭାରୀଖୋଲ ଗ୍ରାମର ମନୋଜ ମାଝି(୧୫) ଏକ ବାଇକ ଯୋଗେ କୁରୁବାରୀ ଗ୍ରାମକୁ ଭୋଜି ଖାଇବା ପାଇଁ ଯାଉଥିଲେ । ତୁମାଣ୍ଡି ଛକ ସ୍ଥିତ ଏକ ବୁଲାଣିରେ ବାଇକଟି ରାସ୍ତା ପାଶ୍ୱର୍ ବିଲକୁ ଖସି ଯାଇଥିଲା । ସ୍ଥାନୀୟ ଲୋକ ଉଦ୍ଧାର କରି ଉଭୟଙ୍କୁ ୧୦୮ ଯୋଗେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ମାତ୍ର କାବୁଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ସଂଜ୍ଞାହୀନ ଅବସ୍ଥାରେ ଜିଲ୍ଲା ସ୍ୱାସ୍ଥ୍ୟକେନ୍ଦ୍ରକୁ ସ୍ଥାନାନ୍ତର କରାଯାଇଛି ।