ବାଇକ୍ ସହ ଗଞ୍ଜେଇ ଜବତ, ଦୁଇ ଗିରଫ
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ): ପାଟପୁର ଥାନା ଟି.ଗୋବିନ୍ଦପୁର ପଞ୍ଚାୟତ ଖପରାବାଡ଼ ନିକଟରେ ଶନିବାର ସକାଳ ପ୍ରାୟ ଚାରିଟାରେ ପାଟପୁର ପୋଲିସ ତରଫରୁ ଚଢ଼ାଉ କରି ଏକ ବୁଲେଟ ବାଇକ୍ ସହ ୨୯ କେଜି ଗଞ୍ଜେଇ ଜବତ କରିଛି । ଏଥିରେ ଦୁଇ ଜଣଙ୍କୁ ଗିରଫ କରାଯାଇଛି । ସେମାନେ ହେଲେ ଆସିକା ଥାନା ପୁଡ଼ୁଗେଶ୍ୱର ପଲ୍ଲୀର ଆଦିତ୍ୟ ନାହାକ ଓ ସନ୍ତୋଷୀମନ୍ଦିର ସାହିର ଆଲୁଆ ଶର୍ମା ଏନେଇ ପାଟପୁର ପୋଲିସ କେଶ ନଂ. ୧୩୮/୨୦ ରେ ଏକ ମାମଲା ରୁଜୁ କରି ଶନିବାର ସନ୍ଧ୍ୟାରେ କୋର୍ଟ ଚାଲାଣ କରିଛି । ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ଦ୍ୱୟକୁ ଦିଗପହଣ୍ଡି ସବ୍ ଜେଲ୍ ହାଜତକୁ ପଠାଇ ଦିଆଯାଇଛି । ଖପରାବାଡ଼ ଜଙ୍ଗଲରୁ ଗଞ୍ଜେଇ ବୁଲେଟରେ ଧରି ଯାଉଥିବା ବେଳେ କୌଣସି ସୂତ୍ରରୁ ଖବର ପାଇ ପାଟପୁର ପୋଲିସ ଖପରାବାଡ଼ ଅଞ୍ଚଳରେ ପାଟପୁର ଥାନା ଅଧିକାରୀ ଅଜୟ କୁମାର ବାରିକଙ୍କ ନେତୃତ୍ୱରେ ଏସ୍ଆଇ ଶୁଭ୍ରଜିତ ସାମନ୍ତରାୟ, ଏଏସ୍ଆଇ ଅର୍ଜୁନ ଶବର ପ୍ରମୁଖ ଚଢ଼ାଉ କରିଥିଲେ ।
