ବାଇକ ଓ କାର ମଧ୍ୟରେ ମୁହାଁମୁହିଁ ଧକ୍କା, ୧ମୃତ,୨ ଗୁରୁତର

ନିମାପଡ଼ା, (ସନ୍ତୋଷ ଦାଶ):ଆଜି ସନ୍ଧ୍ୟାରେ କାକଟପୁର – ଅସ୍ତରଙ୍ଗ ମୁଖ୍ୟ ରାସ୍ତା ର ମଲାମାଛ ଠାରେ ଗୋଟିଏ ବାଇକ ଓ କାର ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ବାଇକ ରେ ଥିବା ୩ଜଣ ଯୁବକ ଗୁରୁତର ଆହତହୋଇଥିଲେ। ସ୍ଥାନୀୟ ଲୋକମାନେ ଆହାତ ଯୁବକ ମାନଙ୍କୁ ଚିକିତ୍ସା ପାଇଁ କାକଟପୁର ସ୍ବାସ୍ଥ୍ୟ କେନ୍ଦ୍ର କୁ ନେଇଥିଲେ। ସେଠାରେ ଡ଼ାକ୍ତର ଜଣେ ଯୁବକ ଙ୍କୁ ମୃତ ଘୋଷଣା କରିବା ସହିତ ଅନ୍ୟ ଗୁରୁତର ୨ଯୁବକ ଙ୍କୁ ଚାରିଛକ ଓ ପରେ ଭୁବନେଶ୍ୱର ସ୍ବାସ୍ଥ୍ୟକେନ୍ଦ୍ର କୁ ସ୍ଥାନାନ୍ତର କରିଥିଲେ। ଉକ୍ତ ଯୁବକ ମାନଙ୍କ ଘର କଟକ ଜିଲ୍ଲା ନିଆଳି ବ୍ଲକ ମହତାପାରି ଗ୍ରାମ ରେ। ଉକ୍ତ ଗ୍ରାମ ର ୨୦ ରୁ ଉର୍ଦ୍ଧ ଯୁବକ ଅସ୍ତରଙ୍ଗ ର ଜାହାନିଆଁ ପୀର ପୀଠ କୁ ବଣ ଭୋଜି କରିବାକୁ ଯାଇଥିଲେ। ସେଠାରୁ ଫେରୁଥିବା ବେଳେ ମଲା ମାଛ ଛକ ନିକଟରେ ଏକ ଟ୍ରାକ୍ଟର ରାସ୍ତା ପାଶ୍ୱର୍ରେ ଠିଆ ହୋଇଥିଲା। ତାକୁ ଅତିକ୍ରମ କରିବା ସମୟ ରେ ଯୁବକ ଙ୍କ ବାଇକ ବିପରୀତ ଦିଗରୁ ଦୃତଗତି ରେ ଆସୁଥିବା କାର ସହିତ ମୁହାଁମୁହିଁ ଧକ୍କା ହୋଇଥିଲା। ମୃତ ଯୁବକ ଙ୍କ ନାମ ମଣ୍ଟୁ ଭୋଇ ( ୨୬) ବୋଲି ଜଣାପଡ଼ିଛି।