ବାଇକ ଚୋରି ଘଟଣାରେ ୨ ଗିରଫ, ୩ ବାଇକ ଜବତ

ବାଲେଶ୍ୱର,(ଯୁଗାବ୍ଦ ନ୍ୟୁଜ୍) : ଏ.ଡି.ଏମ୍ ଛକ ନିକଟସ୍ଥ ଲେବର ଅଫିସ୍ ସମ୍ମୁଖରୁ ଗତ ୫ ତାରିଖରେ ଲକ୍ଷ୍ମଣ ବିଶ୍ୱାଳଙ୍କ ପୁଅ କାର୍ତ୍ତିକ ଚନ୍ଦ୍ର ବିଶ୍ୱାଳ ବାଲିଆପାଳ ବୁଆଁନାଲ ଗ୍ରାମର ହିରହୋଣ୍ଡା ସିଡି ଡିଲକ୍ସ ନଂ- ଓ.ଆର.୦୧.ଏସ.୮୩୯୬ ବାଇକ ଚୋରି ହୋଇଯାଇଥିଲା ବେଳେ ଶ୍ରୀ ବିଶ୍ୱାଳ ସହଦେବ ଖୁଣ୍ଟଆ ଥାନାରେ ଏକ ଲିଖିତ ଅଭିଯୋଗ ଦେଇଥିଲେ । ଅଭିଯୋଗମୂଳେ ସହଦେବଖୁଣ୍ଟା ଥାନାଧିକାରୀ ପରେଶ ଚନ୍ଦ୍ର ରାଉତ ଚଢ଼ାଉ ଜାରି ରଖିôଥିବା ବେଳେ ଆଜି ସଖାଳେ ଦୁଇ ଅଭିଯୁକ୍ତ ଶଳା ମୟୁରଭଞ୍ଜ ଜିଲ୍ଲା ବୈଶିଙ୍ଗାର ପୂର୍ଣ୍ଣଚନ୍ଦ୍ର ବରାଳଙ୍କ ପୁଅ ଜୟନ୍ତ କୁମାର ବରାଳ (୨୭) ଓ ଭିଣୋଇ ବାଲେଶ୍ୱରର ନରହରିପୁରର ଈଶ୍ୱର ମହାନ୍ତିଙ୍କ ପୁଅ ବିଜୟ କୁମାର ମହାନ୍ତି (୩୩) ପୋଲିସ ହାତରେ ଧରା ପଡିଛନ୍ତି । ଦୁଇ ଅଭିଯୁକ୍ତଙ୍କୁ ପୋଲିସ ପକ୍ଷରୁ ପଚରା ଉଚୁରା କରାଯିବା ପରେ ତାଙ୍କ ନିକଟରୁ କାର୍ତ୍ତିକ ଚନ୍ଦ୍ରଙ୍କର ବାଇକ ଜବତ ସହ ଟାଉନ ଥାନା ଅଧିନସ୍ଥ ବାଲେଶ୍ୱର ମୁଖ୍ୟ ଚିକିତ୍ସାଳୟ ପରିସରରୁ ଚୋରି ହୋଇଥିବା ଦୁଇଟି ବାଇକ ଓଡି.୨୨.ଏଲ.୯୬୩୧ ଓ ଓଡି.୦୧.ଏଚ୍.୭୮୩୯ ମଧ୍ୟ ଜବତ କରାଯାଇଛି ।