ବାଇକ ଦୁର୍ଘଟଣାରେ ଜଣେ ମୃତ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଗୋବିନ୍ଦପୁର ପଞ୍ଚାୟତ ଅଧୂନ ହାଲ୍ଲାପଙ୍କା ଛକ ନିକଟରେ ବାଇକ୍ ଦୁର୍ଘଟଣାରେ ଚାଳକଙ୍କ ମୃତ୍ୟୁ ଘଟିଥିବା ବେଳେ ୨ ଜଣ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି। ଗୋବିନ୍ଦପୁର ପଞ୍ଚାୟତ ଅଧୀନ କେଶରା ଗ୍ରାମର କୃଷ୍ଣ କାର୍ଯ୍ୟ (୪୦) ଓ ତାଙ୍କର ୨ ବନ୍ଧୁ ଉକ୍ତ ଗ୍ରାମର ଅଶୋକ ଗୌଡ ଏବଂ ଧନୁ ବିଷୋୟୀ ମିଶି କୈାଣସି କାମରେ କୃଷ୍ଣଙ୍କ ଶଶୁର ଘର ମଳାସ ପଦର ଯାଇ ଦୃତ ଗତିରେ ଫେରୁଥିବା ସମୟରେ ହାଲ୍ଲାପଙ୍କା ଛକ ନିକଟରେ ଭାରସାମ୍ୟ ହରାଇ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଘଟଣା ସ୍ଥଳରେକୃଷ୍ଣ ଙ୍କର ମୃତ୍ୟୁ ଘଟିଥିବା ବେଳେ ୨ବନ୍ଧୁ ଅଶୋକ ଓ ଧନୁଙ୍କୁ ମୋହନା ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ପରେ ଉଭୟଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରା ଯାଇଥିବା ଜଣାପଡ଼ିଛି ।ଉଭୟଙ୍କ ମୁଣ୍ଡ, ଗୋଡ଼ ହାତ ଓ ଛାତିରେ ଗଭୀର ଆଘାତ ଲାଗିଥିବା ଦେଖୁବାକୁ ମିଳିଛି। ପ୍ରକାଶ ଥାଉକି, ମୃତ କୃଷ୍ଣଙ୍କର କମ୍ ବୟସର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି।
