ବାଘଟିମିରି ଆକ୍ରମଣ ରେ ଯୁବଜ ମୃତ୍ୟୁ

ଗଞ୍ଜାମ, (ବିନୋଦ ପଲାଇ):ଗଞ୍ଜାମ ବ୍ଲକ ଅନ୍ତର୍ଗତ ୟୁଡିଏସପୁର ପଞ୍ଚାୟତରେ ବାଘଟିମିରି ଆକ୍ରମଣ ରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ରାଜେନ୍ଦ୍ର ଶତପଥୀ (୨୭)। ଉକ୍ତ ପଞ୍ଚାୟତର ସଦାଶିବପୁର ଗ୍ରାମର ରାଜେନ୍ଦ୍ର ନିଜ ବିଲକୁ ଚାଷ କାମ ଦେଖିବା ପାଇଁ ଯାଇଥିବା ବେଳେ ହଟାତ ଏକ ବାଘଟିମିରି ଦଳ ଉଡି ଆସି ଆକ୍ରମଣ କରିଥିଲେ। ଜୀବନ ବଞ୍ଚାଇବାକୁ ଯାଇ ଏକ ବନ୍ଦରେ ପଶିଯାଇଥିଲେ। ଖବର ପାଇ ଗ୍ରାମ ବାସୀ ଉଦ୍ଧାର କରି ବ୍ରହ୍ମପୁର ମେଡ଼ିକାଲ ପରେ ଭୁବନେଶ୍ୱର କୁ ଚିକିତ୍ସା ପାଇଁ ସ୍ଥାନାନ୍ତରିତ ହେଉଥିବା ବେଳେ ବାଟରେ ମୃତ୍ୟୁ ଘଟିଥିଲା। ରାଜେନ୍ଦ୍ର ପୂର୍ବରୁ ଗଞ୍ଜାମ ବ୍ଲକରେ ଯୋଗଣ ସହାୟକ ରୂପେ କାର୍ଯ୍ୟରତ ଥିଲେ। ତାଙ୍କର ଅକାଲ ମୃତ୍ୟୁରେ ଶୋକାର ଛାୟା ଖେଳିଯାଇଛି।