ବାଘ ଛାଲ ଜବତ : ଜଣେ ଅଟକ
ପାରଳାଖେମୁଣ୍ଡି, (ତାରିଣୀ ପଣ୍ଡା) :-ଗଜପତି ଜିଲ୍ଲା ଆର୍.ଉଦୟଗିରି ବ୍ଲକ ରାମଗିରି ବନବିଭାଗ ତରଫରୁ ବାଘଛାଲ ଜବତ କରାଯାଇଥିବା ସହ ଘଟଣାରେ ସମ୍ପୃକ୍ତ ଜଣକୁ ଅଟକ ରଖାଯାଇଥିବାର ଜଣାପଡିଛି । ପାରଳାଖେମୁଣ୍ଡି ବନଖଣ୍ଡ ଅଧିକାରୀ ସଂଗ୍ରାମ କେଶରୀ ବେହେରାଙ୍କ ନିର୍ଦ୍ଦେଶ କ୍ରମେ ଏସିଏଫ୍ ଗୌରୀପ୍ରସାଦ ରଥଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଆଜି ସନ୍ଧ୍ୟା ୫ଘଣ୍ଟା ସମୟରେ ଆର୍.ଉଦୟଗିରି ଥାନା ମହେନ୍ଦ୍ରଗଡ ପଞ୍ଚାୟତ ଅନ୍ତର୍ଗତ ଖମାରୀସାହି ଗ୍ରାମର ପବିତ୍ର ଲିମା (୫୭)ଙ୍କ ବାସଭବନରେ ରାମଗିରି ରେଞ୍ଜ ଅଫିସର କର୍ମଚାରୀ ଓ ସ୍ୱତନ୍ତ୍ର ଟାସ୍କ ଫୋର୍ସ ଚଢାଉ କରିଥିଲେ । ଏହି ସମୟରେ ପବିତ୍ର ଲିମାଙ୍କ ଠାରୁ କଲରାପତରିଆ ବାଘ ଛାଲ ଉଦ୍ଧାର କରି ଜବତ କରିଥିଲେ । ଘଟଣାରେ ସମ୍ପୃକ୍ତ ଥିବାକୁ ନେଇ ଶ୍ରୀ ଲିମାଙ୍କୁ ପାରଳାଖେମୁଣ୍ଡି ସ୍ଥିତ ବନଖଣ୍ଡ କା କାର୍ଯ୍ୟାଳୟରେ ଅଟକ ରଖି ଅଧିକା ପଚରା ଉଚରା କରାଯାଉଥିବା ଏବଂ ଘଟଣାକୁ ନେଇ ତଦନ୍ତ ଜାରୀ ରହିଥିବାର ଏସିଏଫ ଶ୍ରୀ ରଥ ସୂଚନା ପ୍ରଦାନ କରିଛନ୍ତି ।
