ବାଟ ମହାବୀରଙ୍କ ନିକଟରେ ବିଶ୍ଵ ଶାନ୍ତି ମହାଯଜ୍ଞ

ନିମାପଡ଼ା,(ସନ୍ତୋଷ ଦାଶ) ପୁରୀ ଜିଲ୍ଲା ନିମାପଡ଼ା ବ୍ଲକ ଭୋଦର ପଞ୍ଚାୟତ ବିଶିମାତ୍ରୀ ତିନିଛକ ସ୍ଥିତ ବାଟ ମହାବୀର ଙ୍କ ମନ୍ଦିର ପ୍ରାଙ୍ଗଣରେ ୩୯ ତମ ବିଶ୍ଵଶାନ୍ତି ମହାଯଜ୍ଞ ଅନୁଷ୍ଠିତ ହୋଇଯାଇଛି ।୧୦ ତାରିଖରେ ସୁବାଧିବାସ ହୋଇଥିବା ବେଳେ ୧୧ ତାରିଖରେ ୧୦୮ ହନୁମାନ ଚାଳିଶା ,୧୨ ତାରିଖରେ ରୁଦ୍ରାଭିଶେକ ଓ ସୁନ୍ଦରା କାଣ୍ଡ ,୧୩ ତାରିଖରେ ଶ୍ରୀମଦ୍ ଭାଗବତ ଗୀତା ଯଜ୍ଞ ଓ ପୂର୍ଣ୍ଣାହୁତି ହୋଇଥିଲା। ଶ୍ରୀରାମ ଦୟା ପରିଷଦ ଶ୍ରୀ ବିଜୟ କୁମାର ନାୟକ ଙ୍କ ଦ୍ଵାରା ଆୟୋଜିତ ଏହି କାର୍ଯ୍ୟକ୍ରମରେ ପଣ୍ଡିତ ସୂର୍ଯ୍ୟ ନାରାୟଣ ଦାଶ , ଅକ୍ଷୟ ଆଚାର୍ଯ୍ୟ , ରଜତ ଚନ୍ଦ୍ର ଦାସ, ବସନ୍ତ କୁମାର ଦାସ , ରାଜେନ୍ଦ୍ର ପଣ୍ଡା ,ଅର୍ଜୁନ ପଣ୍ଡା ପ୍ରମୁଖ ଯୋଗଦେଇ ବିଶ୍ଵଶାନ୍ତି ମହାଯଜ୍ଞ କରିଥିଲେ ।ଏହି ଯଜ୍ଞ କୁ ହେମାନନ୍ଦ ଦାସ (ସାନ ବାବା) ପରିଚାଳନା କରିଥିଲେ ।କର୍ତ୍ତା ଭାବେ ସମୀର ନାୟକ ଓ କର୍ତ୍ତି ଭାବେ ସୁକାନ୍ତି ନାୟକ ରହିଥିବା ବେଳେ ପୂଜକ ବାବୁଲି ପଣ୍ଡା ପରିଚାଳନା କରିଥିଲେ ।ଗ୍ରାମବାସୀ ଓ ବହୁ ଭକ୍ତ ଏହି କାର୍ଯ୍ୟକ୍ରମରେ ଯୋଗ ଦେଇ ପ୍ରସାଦ ସେବନ କରିଥିଲେ ।