ବାଣୀପଦାରେ ବିଭିନ୍ନ ଉନ୍ନୟମୂଳକ ପ୍ରକଳ୍ପ ଉଦଘାଟିତ
ଚୌଦ୍ଵାର :(ଦୀପକ୍ କୁମାର ବେଉରା) ଟାଙ୍ଗୀ ଚୌଦ୍ୱାର ବ୍ଲକ୍ ର ବାଣୀପଦା ପଞ୍ଚାୟତ ରେ ବିଭିନ୍ନ ଉନ୍ନୟମୂଳକ ପ୍ରକଳ୍ପ ଉଦଘାଟିତ ହୋଇଯାଇଛି। ଏହି କାର୍ଯ୍ୟକ୍ରମକୁ ଚୌଦ୍ଵାର କଟକ ବିଧାୟକ ସୈାଭିକ ବିଶ୍ଵାଳଙ୍କ ଆବାହକତ୍ୱରେ ବାଣୀପଦା ସରପଞ୍ଚ ଜ୍ୟୋସ୍ନା ରାଣୀ ସୁବୁଦ୍ଧିରାୟ ଉଦ୍ଘାଟନ କରିଥିଲେ। ଉକ୍ତ କାର୍ଯ୍ୟକ୍ରମ ମାଧ୍ୟମରେ ପଞ୍ଚାୟତର ଗୋପାଳପୁର,ଗୌଶନଗର ଓ ଲକ୍ଷ୍ମୀନାରାୟଣ ପୁର ପାନୀୟ ଜଳ ଯୋଗାଣ ପ୍ରକଳ୍ପ ର ଉଦଘାଟନ,ଦେବିନଗର ଗ୍ରାମ ପାନୀୟ ଜଳ ଯୋଗାଣ ପ୍ରକଳ୍ପ ର ଶିଳାନ୍ୟାସ ଓ ଗୋପାଳପୁର,ଦେବିନଗର , ଲକ୍ଷ୍ମୀନାରାୟଣ ପୁର,ବାଲୁଙ୍କେଶ୍ୱର ରାସ୍ତାର ଉନ୍ନତିକରଣ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। ଏହି ଉତ୍ସବରେ ବ୍ଲକ୍ ଅଧକ୍ଷା ଜୟଶ୍ରୀ ପ୍ରଧାନ,ଉପାଧକ୍ଷା ଜାନକୀ ପରିଡ଼ା,ସମିତି ସଭ୍ୟା କଳ୍ପନା ରାଉତ ଜିଲ୍ଲାପରିଷଦ ସଭ୍ୟ ଶ୍ରୀଧର ରାଉଳ,ନିତ୍ୟାନନ୍ଦ ସାମଲ,ଲୋକନାଥ ସୁବୁଦ୍ଧିରାୟ,ଯୁବ ନେତା ତ୍ରିଥାନନ୍ଦ ସୁବୁଦ୍ଧିରାୟ,ଲକ୍ଷ୍ମଣ ରାଉତ,ରଂଜନ ସ୍ବାଇଁ ପ୍ରମୁଖ ଯୋଗଦେଇଥିଲେ ।ଉକ୍ତ କାର୍ଯ୍ୟକ୍ରମ ପାଇଁ ଚୌଦ୍ଵାର କଟକ ର ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ଵାଳ ଉଭୟ ବିଧାୟକ ଓ ସରପଞ୍ଚ ଙ୍କୁ ପ୍ରସଂଶା କରିବା ସହିତ ଶୁଭେଚ୍ଛା ବାର୍ତ୍ତା ଦେଇଥିଲେ।
