ବାତ୍ୟାରେ ଭାଙ୍ଗିଲା ଏକମାତ୍ର ସିନେମା ହଲ୍

ପିପିଲି(ଯୁଗାବ୍ଦନ୍ୟୁଜ): ବାତ୍ୟା ଫାନି ପ୍ରଭାବରେ ପିପିଲିର ଏକମାତ୍ର ସିନେମା ହଲ୍ ବିଜୟଶ୍ରୀ ଟକିଜ୍ କ୍ଷତିଗ୍ରସ୍ତ ହୋଇଛି । ହଲ୍ ଭିତରେ ଥିବା ଲକ୍ଷ ଲକ୍ଷ ଟଙ୍କାର ଯନ୍ତ୍ରାଂଶ, ଚେୟାର, ପରଦା ପ୍ରଭୃତି ନଷ୍ଟ ହୋଇଯାଇଛି । ପ୍ରବଳ ଝଡ ଓ ପବନ ଫଳରେ ହଲ୍ର ଆଜ୍ବେଷ୍ଟ୍ ଉଡିଯାଇ ହଲ୍ ଭିତରେ ପାଣି ପଶିଯାଇଛି । ସମ୍ପୃକ୍ତ ସିନେମା ହଲ୍ଟି ଅଞ୍ଚଳର ଏକମାତ୍ର ସିନେମା ହଲ୍ ହୋଇଥିବାରୁ ବିଭିନ୍ନ ପର୍ବ ପର୍ବାଣିରେ ସିନେ ପ୍ରେମୀଙ୍କ ଭିଡ ଜମିଥାଏ । ତେବେ ସମ୍ପୃକ୍ତ ପ୍ରେକ୍ଷାଳୟଟିକୁ ମରାମତି କରି ପୁନଃ ଚାଲୁ କରିବା ପାଇଁ ରାଜ୍ୟ ସରକାର ତରୁନ୍ତ ସାହାଯ୍ୟ ସହଯୋଗ କରିବାକୁ ହଲ୍ ମାଲିକ ଦେବେନ୍ଦ୍ର ସାହୁ ନିବେଦନ କରିଛନ୍ତି ।