ବାତ୍ୟା ଦାନା ରେ କ୍ଷତିଗ୍ରସ୍ତ ଚାଷଜମି ବୁଲି ଦେଖିଲେ ବିଜେପି ରାଜ୍ୟ କୃଷକ ମୋର୍ଚ୍ଚା ସଭାପତି

ହାଟଡିହି, (ବିକାଶ ବିଶ୍ୱାଳ):ବାତ୍ୟା ଦାନା ଚାଲିଯିବା ପରେ ଚାଷୀଙ୍କ ପାଇଁ ଚିନ୍ତା ବଢ଼ାଇ ଦେଇଛି l କେନ୍ଦୁଝର ଜିଲ୍ଲାରେ ୩୫୩ ମିଲିମିଟର ବର୍ଷା ରେକର୍ଡ କରାଯାଇଥିବା ବେଳେ ଆନନ୍ଦପୁର ଉପଖଣ୍ଡରେ ଏହାର ପ୍ରଭାବ ପଡିଛି l କେନ୍ଦୁଝର ଜିଲ୍ଲାର ଭାତହାଣ୍ଡି ଭାବେ ପରିଚିତ ହାଟଡିହି ବ୍ଲକର ଶହ ଶହ ହେକ୍ଟର ଚାଷଜମିରେ ଧାନ ଚାଷ କ୍ଷତିଗ୍ରସ୍ତ ହୋଇଛି l ଧାନ ଫୁଲ ଖେଳାଇବା ବେଳେ ଗଛ ସବୁ ଭାଙ୍ଗି ପଡିଥିବା ରୁ ଧାନ ନଷ୍ଟ ହେବା ନେଇ ଚାଷୀମାନେ ଚିନ୍ତାରେ ପଡ଼ିଛନ୍ତି।ଗଣମାଧ୍ୟମରେ ଖବର ପ୍ରସାରଣ ପରେ ଆଜି ବିଜେପି ରାଜ୍ୟ କୃଷକ ମୋର୍ଚ୍ଚା ସଭାପତି ମହେଶ୍ୱର ସାହୁ ଆଜି କ୍ଷତିଗ୍ରସ୍ତ ଚାଷଜମି ବୁଲି ଚାଷୀ ମାନଙ୍କ ସହ ଆଲୋଚନା କରିଛନ୍ତି l ସେ ବଞ୍ଚୋ, ପଞ୍ଚୁଗୋଛିଆ , ସୂଲଣ ଆଦି ପଞ୍ଚାୟତର ଚାଷଜମି ଗୁଡ଼ିକ ବୁଲି ଦେଖିବା ସହ ଚାଷୀ ମାନଙ୍କ ସହ ଆଲୋଚନା କରିଥିଲେ l ଚାଷୀ ମାନଙ୍କର ସମସ୍ୟାକୁ ନେଇ ସେ ସରକାରଙ୍କୁ ଜଣାଇ ବିହିତ ପଦକ୍ଷେପ ନେବାକୁ ପ୍ରତିଶ୍ମୃତି ଦେଇଛନ୍ତି l ତାଙ୍କ ସହିତ ପୂର୍ବତନ ଜିଲ୍ଲା ପରିଷଦ ସଦସ୍ୟ ସଞ୍ଜୟ ରାଉତ, ପ୍ରମୋଦ ରାଉତ, ଅଶୋକ ପଟ୍ଟନାୟକ, ମଧୁସୂଦନ ରାଉତ, ମାଗୁଣି ନାୟକ, ସୁରେନ୍ଦ୍ର ନାୟକ, ପ୍ରଶାନ୍ତ ରାଉତ, ବାଦଲ ନାୟକ, କୃଷ୍ଣଚନ୍ଦ୍ର ରାଉତ ପ୍ରମୁଖ ଉପସ୍ଥିତ ଥିଲେ l