ବାଦାମପାହାଡ ଥାନା ବାଇକ୍ ଧକ୍କାରେ ବୃଦ୍ଧା ମୃତ

ରାଇରଙ୍ଗପୁର,(ଅକ୍ଷୟ କୁମାର ବିଶ୍ୱାଳ): ମୟୂରଭଞ୍ଜ ଜିଲ୍ଲାର ବାଦାମପାହାଡ ଥାନା ଅନ୍ତର୍ଗତ ଜାତୀୟ ରାଜପଥ ୨୨୦ନଂ ରାଇରଙ୍ଗପୁର-ଯଶିପୁର ରାସ୍ତା ଝଲଡୁଙ୍ଗୁରୀ ଛକରେ ବୁଧବାର ଅପରାହ୍ନରେ ରାସ୍ତାରେ ଚାଲି ଚାଲି ଯାଉଥିବା ବୃଦ୍ଧାଙ୍କୁ ଏକ ଦୃତ ଗତିରେ ବାଇକ ଆସି ଧକା ଦେବା ଫଳରେ ବୃଦ୍ଧାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି ।ସୂଚନାଯୋଗ୍ୟ ଯେ ବାଦାମପାହାଡ ଥାନା ଅଂଚଳ ଧାଙ୍ଗିଡିମୁତା ତିରିଲିଡିହି ଗ୍ରାମର ବୃଦ୍ଧା ସାର୍ଗି ପିଙ୍ଗୁଆ(୬୨) ରାସ୍ତାରେ ଯାଉଥିବା ସମୟରେ ବାଇକ ଧକ୍କାରେ ରକ୍ତ ଜୁଡୁବୁଡୁ ଅବସ୍ଥାରେ ରାସ୍ତାରେ ପଡିଥିଲେ । ବାଇକ ଚାଳକ ଓ ଆରୋହୀ ମଧ୍ଧ ଗୁରୁତର ହୋଇଥିଲେ ।ସେମାନଙ୍କୁ ରାଇରଙ୍ଗପୁର ହସ୍ପିଟାଲ ଏବଂ ପରେ ବାରିପଦା ମେଡିକାଲକୁ ସ୍ଥାନାନ୍ତରିତ କରାଯାଇଛି । ବୃଦ୍ଧାଙ୍କୁ ରାଇରଙ୍ଗପୁର ହସ୍ପିଟାଲକୁ ଅଣା ଯାଇଥିଲା ।ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ ।ଗୁରୁବାର ଦିନ ପୋଲିସ ଏକ ମାମଲା କେଶ ନଂ୧୧4/୨୦ ରୁଜୁ କରି ମୃତକଙ୍କୁ ପଞ୍ଚନାମା କରାଇ ପରିବାର ବର୍ଗଙ୍କୁ ହସ୍ତାନ୍ତର କରିଛି ।