ବାପା ମାଆ ଛେଉଣ୍ଡ ଭାଇ ଭଉଣୀଙ୍କୁ ସେବା ସଂସ୍ଥାନର ସହାୟତା

ଚିକିଟୀ,(ପୁଷ୍ପାଞ୍ଜଳି ମିଶ୍ର):ଗଞ୍ଜାମ ଜିଲ୍ଲା ଚିକିଟି ବ୍ଲକ ଗୋବିନ୍ଦନଗର ଗ୍ରାମର ବାରିକ ଦାସଙ୍କ ପୁଅ ବୋହୁଙ୍କ ଅକାଳ ବିୟୋଗ ପରେ ବାରିକ ପରିଣତ ବୟସରେ ରିକ୍ସା ଟାଣି ନାତି ନାତୁଣୀଙ୍କ ଦାୟିତ୍ଵ ନେଉଥିବା ଖବର ବିଭିନ୍ନ ଗଣମାଧ୍ୟମରେ ପ୍ରକାଶ ପାଇଥିଲା,ମହାମାରୀ କରୋନାରେ ବାରିକ ଦାସଙ୍କ ପୁଅ ନରସିଂହ ଦାସଙ୍କ ଜୀବନ ଚାଲିଯାଇଥିଲା ଚଳିତ ବର୍ଷ ମେ ମାସରେ ହଠାତ୍ ହୃଦଘାତର ଶିକାର ହୋଇ ବୋହୂ ଶୈଳଙ୍କ ମଧ୍ୟ ଜୀବନ ଚାଲିଯାଇଥିଲା,ଯାହା ଫଳରେ ପରିଣତ ବୟସରେ ଜେଜେମା ଜେଜେବାପା ଙ୍କ ଉପରେ ନାତି ନାତୁଣୀଙ୍କ ବୋଝ ପଡ଼ିଥିବା ତାଙ୍କ ପାଇଁ ଅସୁବିଧା ହୋଇପଡ଼ିଲା,ଏଭଳି ଖବର ଜାଣି ସେବା ସଂସ୍ଥାନ ଚିକିଟି ଉପଦେଷ୍ଟା ହୃଷୀକେଶ ପଣ୍ଡା ଓ ସଭାପତି କୃଷ୍ଣଚନ୍ଦ୍ର ସାହୁଙ୍କ ନେତୃତ୍ୱରେ ଦୁର୍ଗାପ୍ରସାଦ ସୁବୁଦ୍ଧି,ସୁଶାନ୍ତ ପଟ୍ଟନାୟକ,ସନ୍ତୋଷ ସାହୁ ଓ ଅନ୍ୟ ସଭ୍ୟ ମାନେ ତାଙ୍କ ଘର ନିକଟରେ ପହଞ୍ଚି ୫୦୦୦ ଟଙ୍କା,ଚାଉଳ ପକେଟ୍,ଶୀତ ବସ୍ତ୍ର,ପୋଷାକ,ସ୍କୁଲ ବ୍ୟାଗ୍,ପାଠ୍ୟ ଉପକରଣ ପ୍ରଦାନ କରିଛନ୍ତି ,ସେବା ସଂସ୍ଥାନର ଏଭଳି ସହାୟତାକୁ ଗ୍ରାମବାସୀ ପ୍ରଶଂସା କରିଛନ୍ତି