ବାବା ବୁଦ୍ଧନାଥ ଦାସଙ୍କ ଜନ୍ମ ମହୋତ୍ସବ ପାଳନ ପାଇଁ ପ୍ରସ୍ତୁତି ବୈଠକ
ନାଉଗାଁ,(ଯୁଗାବ୍ଦ ନ୍ୟୁଜ୍):ନାଉଗାଁ ବ୍ଳକ ଅନ୍ତର୍ଗତ ଗୋବଦ୍ଧନ ପୀଠ ଗାରୋଇର ସିଦ୍ଧ ସାଧକ ବାବା ଶ୍ରୀ ଶ୍ରୀ ବୁଦ୍ଧନାଥ ଦାସଙ୍କ ଜନ୍ମ ମହୋତ୍ସବ ପବିତ୍ର ବକୁଳ ଅମାବାସ୍ୟାରେ ଅନୁଷ୍ଠିତ ହେବ । ଏହି ପରିପ୍ରେକ୍ଷୀରେ ଆଶ୍ରମ ପରିସରରେ ବାବା ଶ୍ରୀ ଦିବ୍ୟଲୋଚନ ଦାସ ମହାରାଜଙ୍କ ପୌରହିତ୍ୟରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।ଏଥିରେ ବେଦପାଠ, ନାମଯଜ୍ଞ,ଘୃତଯଜ୍ଞ ସହିତ ଜିଲ୍ଲାସ୍ତରରେ ବିଭିନ୍ନ କ୍ଷେତ୍ରରେ କୃତିତ୍ୱଲାଭ କରିଥିବା ବ୍ୟକ୍ତିମାନଙ୍କୁ ସମ୍ବର୍ଦ୍ଧିତ କରାଯିବା ପାଇଁ ସ୍ଥିର କରାଯାଇଛି । ଏହି ବୈଠକରେ ଜଗନ୍ନାଥ ସଂସଦର ସଭାପତି ବେଣୁଧର ମହାନ୍ତି,କାହ୍ନୁଚରଣ ମହାନ୍ତି,ଅଧ୍ୟାପକ ନିରଂଜନ ବିଶ୍ୱାଳ,ପ୍ରହଲ୍ଲାଦ ମଲ୍ଲିକ,ନିରଂଜନ ମହାନ୍ତି,ନିରଂଜନ ବିଶ୍ୱାଳ,ସୁରେନ୍ଦ୍ର ପରିଡା,ଶରତ ଚନ୍ଦ୍ର ବିଶ୍ୱାଳ ସମେତ କରବାଡି କମିଟିର ସଦସ୍ୟ,ଜଗନ୍ନାଥ ସଂସଦର ସଭ୍ୟ ଓ ତିନିଗ୍ରାମର ଯୁବକ ସଂଘର ସଦସ୍ୟମାନେ ଉପସ୍ଥିତ ଥିଲେ ।ଶିକ୍ଷକ ରବିନ୍ଦ୍ର ନାଥ ସ୍ୱାଇଁ ବୈଠକକୁ ପରିଚାଳନା କରିଥିଲେ ।
