ବାରବାଟୀ ଓଲନ୍ଦାଜ ସାହିର ଗଙ୍ଗାଦଶହରା ଉତ୍ସବରେ ସଦର ବିଧାୟକଙ୍କୁ ସମ୍ବର୍ଦ୍ଧନା
ବାଲେଶ୍ୱର,(ଯୁଗାବ୍ଦ ନ୍ୟୁଜ): ବାରବାଟୀ ଓଲନ୍ଦାଜ ସାହିର ୧୦୨ ତମ ଗଙ୍ଗାଦଶହରା ଉତ୍ସବ ସଭାପତି ଶ୍ରବଣ କୁମାର କରଙ୍କ ଅଧ୍ୟକ୍ଷତାରେ ତା.୧୨.୬.୧୯ରିଖ ଠାରୁ ତା.୧୬.୬.୧୯ ରିଖ ପାଞ୍ଚ ଦିନ ପର୍ଯ୍ୟନ୍ତ ପାଳିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଆକର୍ଷଣୀୟ କାର୍ଯ୍ୟକ୍ରମରେ ମେଲୋଡି, ଡେନ୍ସ ପ୍ରତିଯୋଗିତା, ଭଜନ ସମାରୋହ ଓ ଭୋଜୀ ଏପରିକି ମନ୍ଦିରର ମୁଖ୍ୟ ପୂଜକ ସଚିବାନନ୍ଦ ଦାଶ, ଗଙ୍ଗାଦେବୀଙ୍କର ପୂଜାରେ ରୀତି ନିୟମ ଅନୁଯାୟୀ ପାଞ୍ଚଜଣ ବ୍ରାହ୍ମଣଙ୍କୁ ନେଇ ପାଞ୍ଚଦିନ ବ୍ୟାପୀ ପୂଜାର୍ଚ୍ଚନା କରାଯାଇଥିଲା । ଗଙ୍ଗାଦଶହରା ଉତ୍ସବର ଦ୍ୱିତୀୟ ଦିବସରେ ସଦର ବିଧ।।ୟକ ମଦନ ମୋହନ ଦତ୍ତଙ୍କୁ ଉତ୍ତରି ଓ ଫୁଲତଡା ଦେଇ ଗ୍ରାମବାସୀ ଓ ମହିଳାମୋର୍ଚ୍ଚା ସମ୍ବର୍ଦ୍ଧିତ କରିଥିଲେ । ଏହି ମଞ୍ଚରେ ସଭାପତି ଶ୍ରବଣ କୁମାର କର, ବିଜେପି ଉପସଭାପତି ପର୍ଶୁରାମ ବେହେରା, ଗୌରାଙ୍ଗ ଦାସ, ବିନୟ ମହାରଣା, ପୂର୍ବତନ କାଉନସିଲର ମିହିର ବାରିକ, ହରେନ ବେହେରା, ପୂର୍ଣ୍ଣଚନ୍ଦ୍ର ବେହେରା, ଗୌର ମହାରଣା, ଗୋପୀନାଥ ବାରିକ, ସୁଶାନ୍ତ ବାରିକ, ଭବେନ୍ଦ୍ର ଖିଲାର ପ୍ରମୁଖଙ୍କୁ ଫୁଲତଡା ଦେଇ ସ୍ୱାଗତ କରାଯାଇଥିଲା । ସବୁ ବର୍ଷ ପରି ଶେଷ ଦିବସରେ ବାଳକ ଭୋଜନର ଆୟୋଜନ କରାଯାଇଥିଲା । ଏପରିକି ଗ୍ରାମର ଆଖପାଖ ଅଞ୍ଚଳରୁ ପ୍ରାୟ ୫ ହଜାରରୁ ଉଦ୍ଧ୍ୱର୍ ଲୋକ ପ୍ରସାଦ ସେବନ କରିଥିଲେ । ଏହାକୁ ଗ୍ରାମର ଗୋପୀନାଥ ସେଠୀ, ନରେନ୍ଦ୍ର ଖିଲାର, ଧୀରେନ୍ଦ୍ର ଖିଲାର, ଅଶୋକ ଦାସ, ମୁନା, ଚନ, ଟେବଲା ପ୍ରମୁଖ ଯୁବକମାନେ ପରିଚାଳନା କରିଥିଲେ ।
