ବାରବାଟୀ ବାଘାଯତୀନ କ୍ଲବ ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ

ବାଲେଶ୍ୱର, : ସ୍ଥାନୀୟ ବାରବାଟୀସ୍ଥିତ ବାଘାଯତୀନ କ୍ଲବ ପକ୍ଷରୁ ଆଜି ଏକ ବିଶାଳ ରକ୍ତ ଦାନ ଶିବିର ସଭାପତି ବିକ୍ରମଜିତ୍ କରଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଏପରିକି ସ୍ୱାଧୀନତା ସଂଗ୍ରାମର ମହାନ ବିପ୍ଳବୀ ବାଘାଯତୀନ୍ଙ୍କ ୧୦୪ତମ ସ୍ମୃତି ଦିବସ ଅବସରରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ ଆନୁଷ୍ଠାନିକ ଭାବେ ଏହି ଶିବିରକୁ ଉଦ୍ଘାଟନ କରିଥିଲେ । ସମ୍ମାନୀତ ଅତିଥି ଭାବେ ପର୍ଯ୍ୟଟନ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ, ଭୋଗରାଇ ବିଧାୟକ ଅନନ୍ତ ଦାସ ଏବଂ ସମାଜସେବୀ ଡ. ବେଣୁମାଧବ ପଣ୍ଡା ପ୍ରମୁଖ ଯୋଗ ଦେଇ ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଏହି ରକ୍ତଦାନ ଶିବିରରେ ୭୨ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ଏବଂ କ୍ଲବ ପକ୍ଷରୁ ରକ୍ତାଦାତାମାନଙ୍କୁ ଏକ ଚାରାଗଛ ଉପହାର ଦିଆଯାଇଥିଲା । ଏପରିକି ସବୁ ବର୍ଷ ପରି ବାଘାଯତୀନ କ୍ଲବର ମେମ୍ବର ସନ୍ତୋଷ ଦେ, ଅମିତ କର, ସୋମନାଥ କର, ନିରଞ୍ଜନ କର, ଅନିମେଶ୍ କର, ରାଜେଶ କର, ଗିରିଜା କର, ରାଜକ୍ରିଷ୍ଣା କର, ଅତିନ୍ଦ୍ର କର, ସୁଦର୍ଶନ ନନ୍ଦୀ, ଚନ୍ଦ୍ରଶେଖର ଜେନା, ଚୈତାଲି ପଣ୍ଡା, ଆଦିତୀ କର, ସୁବର୍ଣ୍ଣରେଖା ମହାପାତ୍ର, ଚନ୍ଦନ କର, ଅମିତ କର, ମନୋଜ ରାଉଳ, ଲକ୍ଷ୍ମୀକାନ୍ତ ବାରିକ, ସୁବ୍ରତ କର, ହୁସେନ୍ ଚାଚା ପ୍ରମୁଖ ଉପସ୍ଥିତ ରହି ଏହି ଶିବିର ପରିଚାଳନାରେ ସାହାଯ୍ୟ କରିଥିଲେ ।