ବାର୍ଷିକୋତ୍ସବ ଓ ଶ୍ରାଦ୍ଧ ଦିବସ ପାଳିତ

ହିଞ୍ଜିଳିକାଟୁ,(ଶେଷଦେବ ସାହୁ): ଗୁରୁବାର ହିଞ୍ଜିଳିକାଟୁ ବ୍ଳକ ଗୋପୀନାଥପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକୋତ୍ସବ ଓ ପୂଜ୍ୟ ଗୁରୁଜୀ ତଥା ଶିକ୍ଷାବିତ୍ ସ୍ବର୍ଗତ ରାମନାଥ ଶତପଥୀଙ୍କ ୨୯ ତମ ଶ୍ରାଦ୍ଧ ଦିବସ ଉତ୍ସାହର ସହ ପାଳିତ ହୋଇଛି। ପ୍ରଧାନ ଶିକ୍ଷକ ଉଲ୍ଲାସ ଚନ୍ଦ୍ର ବେହେରାଙ୍କ ପୌରହିତ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ସୁଶିଳ ପାତ୍ର, ମୁଖ୍ୟ ବକ୍ତା ଭାବେ ଜିଲ୍ଲା ପରିଷଦ ସଭ୍ୟ ତଥା ବିଧାୟକଙ୍କ ବ୍ଲକ ପ୍ରତିନିଧି ଏ. ସୁଦର୍ଶନ ଏବଂ ସମ୍ମାନିତ ଅତିଥି ଭାବେ ବଡଖଣ୍ଡି ସରପଞ୍ଚ ଝୁନୁ ନାଇକ, ସଭ୍ୟା କାପଲ ନର୍ମଦା, ବିଦ୍ୟାଳୟ ପରିଚାଳନା କମିଟି ସଭାପତି ପି. ଶୁଭେନ୍ଦୁ ମୋହନ ରାଓ ଓ ସିଆରସିସି ପ୍ରସନ୍ନ କୁମାର ସେଠୀ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଅତିଥି ମାନେ ପୂଜ୍ୟ ଗୁରୁଜୀ ତଥା ଶିକ୍ଷାବିତ୍ ସ୍ବର୍ଗତ ରାମନାଥ ଶତପଥୀଙ୍କ ତୈଳ ପ୍ରତିକୃତିରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ। ପରେ ଅତିଥି ମାନେ ଉତ୍ତମ ଅଧ୍ୟୟନ ଓ କଠିନ ପରିଶ୍ରମ ସହ ପ୍ରତିଯୋଗିତା ମୂଳକ ମନୋଭାବ ରଖି ନିଜ ନିଜର ସ୍ବପ୍ନ ଓ ଭବିଷ୍ୟତ ଗଠନ କରିବା ପାଇଁ ମୂଲ୍ୟବାନ ପରାମର୍ଶ ଦେଇଥିଲେ।କ୍ରୀଡ଼ା ଏବଂ ବିଭିନ୍ନ ପ୍ରତିଯୋଗିତାରେ କୃତିତ୍ୱ ଲାଭ କରିଥିବା କୃତି ପ୍ରତିଯୋଗୀଙ୍କୁ ଅତିଥି ମାନେ ପୁରସ୍କୃତ କରିଥିଲେ। କାର୍ଯ୍ୟକ୍ରମରେ ବିକ୍ରମ ମହାରଣା, ପ୍ରଜ୍ଞା ପାରମିତା ଦାସ, ସ୍ୱାଗତିକା ଗୌଡ଼, ସୁଧିନା ପାଣିଗ୍ରାହୀ, ପି. ଦମୟନ୍ତୀ ପ୍ରମୁଖ ଶିକ୍ଷକ ଓ ଶିକ୍ଷୟିତ୍ର ସହଯୋଗ କରିଥିଲେ।

Spread the love

Leave a Reply

Your email address will not be published. Required fields are marked *

Advertisement

ଏବେ ଏବେ