ବାଲି ଟ୍ରକ ଧକ୍କାରେ ମହିଳା ଗୁରୁତର

ଭଣ୍ଡାରିପୋଖରୀ, (ଦୁର୍ଯ୍ୟଧନ ଲେଙ୍କା):ଭଣ୍ଡାରିପୋଖରୀ ଥାନା ମାଳଦା ମଣୀନାଥପୁର ପୂର୍ତ ଵିଭାଗ ରାସ୍ତାରେ ବାଲି ଟ୍ରକ ଧକ୍କା ଦେବାରୁ ଜଣେ ମହିଳା ଗୁରୁତର ହୋଇଛନ୍ତି।ପ୍ରାପ୍ତ ସୂଚନା ଅନୁଯାୟୀ ଓଡି ୨୨ଏମ ୭୬୦୧ ଟ୍ରକଟି ସ୍ଥାନୀୟ ବୈତରଣୀ ନଦୀରୁ ବାଲି ବୋଝେଇ କରି ଭଦ୍ରକ ଅଭିମୁଖେ ଆସୁଥିଲା।ଦିନ ପ୍ରାୟ ୨ଟା ସମୟରେ ସରସଦା ଗ୍ରାମପଞ୍ଚାୟତ କୋଳିଗଡି ଗ୍ରାମର ଵନମାଳୀ ସାହୁ ତାଙ୍କ ଵୋହୂ ମମତା ଙ୍କୁ ବାଇକରେ ଵସାଇ ଭଣ୍ଡାରିପୋଖରୀ ରୁ ଘରକୁ ଫେରୁଥିଲେ।ରାସ୍ତାର ଏକଗୋଲା ନିକଟରେ ଟ୍ରକଟି ଵାଇକ କୁ ଧକ୍କା ଦେବାରୁ ମମତା ଗୁରୁତର ହୋଇଥିବା ଜଣାପଡିଛି।ଏଥିରେ ଵନମାଳୀ ମଧ୍ୟ ଆହତ ହୋଇଛନ୍ତି।ଗୁରୁତର ଙ୍କୁ ପ୍ରଥମେ ଯାଜପୁର ଓ ପରେ କଟକ ମେଡିକାଲ ସ୍ଥାନାନ୍ତର କରାଯାଇଛି।ପୋଲିସ ଵାଲି ଟ୍ରକକୁ ଜବତ କରି ଚାଳକକୁ ଅଟକ ରଖିଥିବା ସୂଚନା ଦିଆଯାଇଛି।