ବାଲେଶ୍ୱର ଜିଲ୍ଲା କଂଗ୍ରେସ କାର୍ଯ୍ୟାଳୟରେ ପୂର୍ବତନ ମୁଖ୍ୟମନ୍ତ୍ରୀ ସିଲା ଦିକ୍ଷୀତ୍ଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି
ବାଲେଶ୍ୱର,(ଯୁଗାବ୍ଦ ନ୍ୟୁଜ୍): ଜିଲ୍ଲା କଂଗ୍ରେସ କାର୍ଯ୍ୟାଳୟରେ ଟାଉନ କଂଗ୍ରେସ ସଭାପତି ତଥା ବରିଷ୍ଠ ପୂର୍ବତନ କାଉନସିଲର ପଦ୍ମଲୋଚନ ଲେଙ୍କାଙ୍କ ସଭାପତିତ୍ୱରେ ଏକ ଶେ।କସଭା ଅନୁଷ୍ଠିତ ହୋଇଯାଇଛି । ଦିଲ୍ଲୀର ପୂର୍ବତନ ତିନି ଥର ମୁଖ୍ୟମନ୍ତ୍ରୀ ଥିବା ସିଲା ଦିକ୍ଷୀତ୍ଙ୍କ ଅକାଳ ବିୟୋଗରେ କଂଗ୍ରେସ ଦଳ ତଥା ଦେଶର ଅପୁରଣୀୟ କ୍ଷତି ହୋଇଛି ବୋଲି ଉପସ୍ଥିତ ସଭ୍ୟ ଏବଂ ସଭ୍ୟାମାନେ ବକ୍ତବ୍ୟ ରଖିବା ସଙ୍ଗେ ସଙ୍ଗେ ଗଭୀର ଶୋକ ପ୍ରକାଶ କରିଥିଲେ । ପି.ସି.ସି. ସାଧାରଣ ସମ୍ପାଦକ ସଞ୍ଜିବ୍ ଗିରି ମଧ୍ୟ ବକ୍ତବ୍ୟ ରଖିଥିଲେ । ତାଙ୍କର ବିୟୋଗରେ ରାଜନୈତିକ ଅପୁରଣୀୟ କ୍ଷତି ଘଟିଛି, ସେ ଜଣେ ଆଧୁନିକ ଦିଲ୍ଲୀର ନିର୍ମାତା ଥିଲେ ବୋଲି ଜିଲ୍ଲା ମହିଳା କଂଗ୍ରେସ ସଭାନେତ୍ରୀ ପ୍ରଜ୍ଞା ପରମିତା ମହାନ୍ତି ତାଙ୍କର ବକ୍ତବ୍ୟ ରଖିଥିଲେ । ଉକ୍ତ ସଭାରେ ପୂର୍ବତନ ଜିଲ୍ଲା ସଭାପତି ସତ୍ୟ ମହନ୍ତି ଏବଂ ପୂର୍ବତନ ମହିଳା କଂଗ୍ରେସ ସଭାନେତ୍ରୀ ବାସନ୍ତୀ ନାୟକ, ଜ୍ୟୋତ୍ସ୍ନା ସେନାପତି, ହେମଲତା ଦାସ, ସୁକାନ୍ତ କୁମାର ରଣା, ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ତୁଷାରକାନ୍ତ ତପସ୍ୱି, ଜିଲ୍ଲା କଂଗ୍ରେସ ସାଧାରଣ ସମ୍ପାଦକ ଦେବଦତ୍ତ ଦାସ, ରାଜ୍ୟ ଛାତ୍ର କଂଗ୍ରେସ ସଂଯୋଜକ ଗୌତମ ସାହୁ ପ୍ରମୁଖ ଉପସ୍ଥିତ ଥିଲେ । ସର୍ବଶେଷରେ ଜିଲ୍ଲା କଂଗ୍ରେସର ସାଧାରଣ ସମ୍ପାଦକ ଅଜିତ୍ କୁମାର ଦାସ ଧନ୍ୟବାଦ ଅର୍ପଣ କରିଥିଲେ ।
