ବାଲେଶ୍ୱର ଜିଲ୍ଲ ଓ ରାଜ୍ୟରେ ବ୍ୟାଡ୍ମିଂଟନ ଖେଳରେ ସ୍ୱତନ୍ତ୍ର ପରିଚୟ

ବାଲେଶ୍ୱର,: ବାଲେଶ୍ୱର ବ୍ୟାଡ୍ମିଂଟନ କ୍ଲବ ଆନୁକୁଲ୍ୟରେ ରାଜ୍ୟ ଓ ରାଜ୍ୟ ବାହାରେ ଆୟୋଜିତ ହେଉଥିବା ବିଭିନ୍ନ ବ୍ୟାଡ୍ମିଂଟନ ପ୍ରତିଯୋଗିତାରେ ଅଂଶଗ୍ରହିତା କରି କୃତୀତ୍ୱ ଲାଭ କରିଥିବା ବାଲେଶ୍ୱର ବ୍ୟାଡ୍ମିଂଟନ କ୍ଲବର ଖେଳାଳୀମାନଙ୍କୁ କ୍ଲବର ବରିଷ୍ଟ ସଦସ୍ୟ ବିନୟ ଶାହା, ସିଦ୍ଧାର୍ଥ ଦାସ, ଅଜୟ ଦୋଷି, ବିଶ୍ୱଜିତ ଦାସ, ସପନ ବିଶ୍ୱାଳ ପ୍ରମୁଖ ପ୍ରତିବର୍ଷ ଭଳି ଏ ବର୍ଷ ମଧ୍ୟ ସମ୍ମାନୀତ କରିଥିଲେ । ଉକ୍ତ ବର୍ଗରେ ବାଲେଶ୍ୱର ବ୍ୟାଡ୍ମିଂଟନର ପ୍ରମୁଖ ଯୋଡି ଜୟପ୍ରକାଶ ଓ ରାହୁଲ ପଶ୍ଚିମବଂଗ ଓ ଓଡିଶାର ବିଭିନ୍ନ ଜିଲ୍ଲାରେ ଆୟୋଜିତ ୨୫ ରୁ ଅଧିକ ପ୍ରତିଯୋଗିତାରେ ବିଜୟୀ ହୋଇଥିଲେ । ଅନ୍ୟ ଖେଳାଳୀ ମାନଙ୍କ ମଧ୍ୟରେ ରବୀନ୍ଦ୍ର ପାଣିଗ୍ରାହୀ, ପିୟୁଷ ରାଉତ, ଗୌରିଶଙ୍କର ରଥ, ଶୁଭ୍ରାଂଶୁ ଚୌଧୁରୀ, ସନ୍ତୋଷ ସାହୁ, ସାଇ ସତ୍ୟଶ୍ରୀ ନାୟକ ପ୍ରମୁଖ ୩୦ ରୁ ଅଧିକ ବିଜେତା ଓ ଉପବିଜେତା ହୋଇଥିଲେ । ବାଲେଶ୍ୱରର ବ୍ୟାଡ୍ମିଂଟନ ପ୍ରଶିକ୍ଷକ ଶ୍ରୀଯୁକ୍ତ ଗୌରଶଙ୍କର ବିଶିଙ୍କୁ ମଧ୍ୟ ଏହି କୃତିତ୍ୱ ହେତୁ ସମ୍ମାନୀତ କରାଯାଇଥିଲା । ବ୍ୟାଡମିଂଟନ ଖେଳରେ ଇଛା ରଖୁଥିବା ଖେଳାଳୀ ମାନଙ୍କୁ ସମସ୍ତ ପ୍ରକାର ସାହାଯ୍ୟ କରାଯିବାର ପ୍ରତିଶୃତି ବାଲେଶ୍ୱର ବ୍ୟାଡମିଂଟନ କ୍ଲବର ସଭାପତି ଶ୍ରୀଯୁକ୍ତ ସିଦ୍ଧାର୍ଥ ଦାସ ତାଙ୍କର ସ୍ୱଳ୍ପ ବକ୍ତବ୍ୟ ରଖିଛନ୍ତି ।