ବାଲେଶ୍ୱର ବିବେକାନନ୍ଦ କେନ୍ଦ୍ରରେ ପ୍ରଶିକ୍ଷଣ ଶିବିର
ବାଲେଶ୍ୱର,(ଯୁଗାବ୍ଦ ନ୍ୟୁଜ୍):ବାଲେଶ୍ୱର ଜେଲ ରୋଡସ୍ଥିତ ବିବେକାନନ୍ଦ କେନ୍ଦ୍ର, କନ୍ୟାକୁମାରୀ ବାଲେଶ୍ୱର ଶାଖାର ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ପ୍ରାନ୍ତ ସଂଚାଳକ ରବି ନାଇଡୁ ଯୋଗ ଦେଇ ସମଗ୍ର ଦେଶକୁ ଏକ ସମ୍ପର୍କର ଡୋରିରେ ବାନ୍ଧି ରଖି ପାରିବାର ଅପୂର୍ବ କୌଶଳକୁ ଆଲୋକପାତ କରାଇଥିଲେ । କେନ୍ଦ୍ରାଧ୍ୟକ୍ଷ ଯୋଗାଚାର୍ଯ୍ୟ ପ୍ରେମାନନ୍ଦ ପିରି ପ୍ରଶିକ୍ଷଣର ଆଭିମୁଖ୍ୟ ସମ୍ପର୍କରେ ଜଣାଇଥିଲେ । ନଗର ପ୍ରମୁଖ ଅଧ୍ୟାପକ ଡ. ନିରଞ୍ଜନ ଦାଶ, ସମ୍ପର୍କ ଅଧିକାରୀ ରାଧାକୃଷ୍ଣ ଆଚାର୍ଯ୍ୟ ଶିବିରାର୍ଥୀମାନଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ । ଶିବିରରେ ଯୁଗଶ୍ରୀ ଯୁଗ ନାରୀର ସଂପାଦିକା ମମତା ମହାପାତ୍ର, ସମାଜସେବୀ ଶୁଭଙ୍କର ମହାପାତ୍ର, କବୟିତ୍ରୀ କଲ୍ୟାଣୀ ନନ୍ଦ, ବ୍ରାହ୍ମଣ ମହାସଭାର ପ୍ରାନ୍ତ ସମ୍ପାଦକ ପିତବାସ ପଣ୍ଡା, ବ୍ରାହ୍ମଣ ମହାସଭାର ଜିଲ୍ଲାସଂପାଦକ ଗୌର ଚନ୍ଦ୍ର ଦାସ ଶିବିରରେ ଅଂଶଗ୍ରହଣ କରିଥିଲେ । ପ୍ୟାରେଲାଲ୍ ଶର୍ମା, ଅଶୋକ ସାହୁ, ଗୟାଧର କର, ବିଷ୍ଣୁପଦ ମିଶ୍ର, ଅରୁଣ ବେହେରା, ନିର୍ମଳ ନାୟକ, ଲକ୍ଷ୍ମୀ ଚରଣ ପଣ୍ଡା, ମହେଶ୍ୱର ପ୍ରଧାନ, ସମରେନ୍ଦ୍ର ସାହୁ, ବିଜୟ ଲକ୍ଷ୍ମୀ ନାଥ, ସୁଶ୍ରୀ ସଙ୍ଗୀତା ଦାଶ, ମିନତୀ ଦେ, କୃଷ୍ଣାରାଣୀ ପଣ୍ଡା ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ରହି ପରିଚାଳନା କରିଥିଲେ ।
