ବିଜେଡିର ନୂଆଁ ସାଙ୍ଗଠନିକ ଟିମ୍ ଗଠିତ
ହିଞ୍ଜିଳିକାଟୁ,(ଶେଷଦେବ ସାହୁ): ବିଜେଡି ସୁପ୍ରିମୋ ତଥା ବିରୋଧିଦଳ ନେତା ନବୀନ ପଟ୍ଟନାୟକ ନିଜ ନିର୍ବାଚନ ମଣ୍ଡଳୀ ହିଞ୍ଜିଳିରେ ମଙ୍ଗଳବାର ଦଳର ନୂଆଁ ସାଙ୍ଗଠନିକ ଟିମ୍ ଗଠନ କରିଛନ୍ତି। ହିଞ୍ଜିଳିକାଟୁ ପୈାରାଞ୍ଚଳର ବିଜେଡି ସଭାପତି ଭାବରେ ପୂର୍ବତନ ନଗରପାଳ ହୃଦୟାନନ୍ଦ ମହାପାତ୍ର ମନୋନୀତ ହୋଇଛନ୍ତି। ହିଞ୍ଜିଳିକାଟୁ ବ୍ଲକ୍ ସଭାପତି ଭାବରେ ଦୁର୍ଗାମାଧବ ମହାନ୍ତି ମନୋନୀତ ହୋଇଛନ୍ତି। ପୂର୍ବପରି ଶେରଗଡ଼ ବ୍ଳକ ସଭାପତି ଭାବେ ଶରତ ଚନ୍ଦ୍ର ପାତ୍ରଙ୍କୁ ପୁଣିଥରେ ମନୋନୀତ କରାଯାଇଛି। ଅନ୍ୟ ପକ୍ଷରେ ହିଞ୍ଜିଳି ନିର୍ବାଚନ ମଣ୍ଡଳୀରେ ବିଭିନ୍ନ ଦଳୀୟ କାର୍ଯ୍ୟକ୍ରମକୁ ପରିଚାଳନା ସକାଶେ ଏକ ଉପଦେଷ୍ଟା ମଣ୍ଡଳୀ ଗଠନ କରାଯାଇଛି। ସଂପୃକ୍ତ କମିଟିରେ ପ୍ରାକ୍ତନ ବ୍ଳକ ବିଜେଡି ସଭାପତି ତଥା ବରିଷ୍ଠ ନେତା ସୁରେନ୍ଦ୍ରନାଥ ପ୍ରଧାନଙ୍କୁ ଅଧ୍ୟକ୍ଷ ଦାୟିତ୍ଵ ପ୍ରଦାନ କରାଯାଇଛି। କମିଟି ସଦସ୍ୟ ଭାବେ ବରିଷ୍ଠ ନେତା ଡି. ବିଶ୍ବନାଥ, ପବିତ୍ର ମୋହନ ପାଣିଗ୍ରାହୀ, ସନ୍ତୋଷ ପଟ୍ଟନାୟକ, ଅଜୟ ମହାରଣା, ଏନ୍. ରଘୁନାଥଙ୍କୁ ମନୋନୀତ କରାଯାଇଛି। ରାଜ୍ୟ ସଭାପତି ନବୀନ ପଟ୍ଟନାୟକଙ୍କ ନିର୍ଦ୍ଦେଶନାରେ ଗଞ୍ଜାମ ଜିଲ୍ଲା ବିଜେଡ଼ି ସଭାପତି ରମେଶ ଚନ୍ଦ୍ର ଚ୍ୟାଉପଟ୍ଟନାୟକ ଏ ସମ୍ପର୍କିତ ଚିଠି ପ୍ରକାଶ କରିଛନ୍ତି।
