ବିଜେଡି ସାଂସ୍କୃତିକ ସମ୍ମନ୍ୱୟ ପକ୍ଷରୁ “ଲେଖିବା ଆସ” କବିତା ଆସର ଅନୁଷ୍ଠିତ
ବାଲେଶ୍ୱର,(ଯୁଗାବ୍ଦ ନ୍ୟୁଜ୍): ବାଲେଶ୍ୱର ବିଜେଡି ସାଂସ୍କୃତିକ ସମ୍ମନ୍ୱୟ ସାମୁଖ୍ୟ ପକ୍ଷରୁ “ଲେଖିବା ଆସ” କବିତା ଆସର ଜିଲ୍ଲା ସଂସ୍କୃତି ଭବନଠାରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବାଲେଶ୍ୱରର ପୂର୍ବତନ ସାଂସଦ ଇଂ ରବିନ୍ଦ୍ର କୁମାର ଜେନା ଯୋଗ ଦେଇ କଳା, ସଂସ୍କୃତି ଓ ସାହିତ୍ୟର ଉନ୍ନତି ପାଇଁ ଏପରି ପ୍ରୟାସ ଆଗକୁ ଜାରି ରହୁ ବୋଲି ମତବ୍ୟକ୍ତ କରିଛନ୍ତି । ମୁଖ୍ୟବକ୍ତା ଭାବେ କବି ବିମଳ ଜେନା, କବି ଶିରିଶ ଜେନା ଓ ବିଜେଡି ମହିଳା ରାଜ୍ୟ ସଂପାଦିକା ଶ୍ରଦ୍ଧାଞ୍ଜଳୀ ରାୟ ପ୍ରମୁଖ ଯୋଗ ଦେଇଥିଲେ । ରାଜ୍ୟ ସଂଯୋଜିକା ପ୍ରବୀର କୁମାର ମହାନ୍ତି ସ୍ୱାଗତ ଭାଷଣ ଦେଇଥିଲେ । ରାଜ୍ୟ ଆବାହକ ରବି ନାରାୟଣ ନନ୍ଦ ସଭାପତିତ୍ୱ କରିଥିଲେ । ବରଗଡର ଜିଲ୍ଲା ସଂଯୋଜକ ଆଇନଜୀବୀ ଜ୍ୟୋତି ପ୍ରକାଶ ବାରିକ ମଞ୍ଚ ପରିଚାଳନା କରିଥିଲେ । ଜିଲ୍ଲା କର୍ମକର୍ତ୍ତା ଶରତ ମହାରଣା, ପ୍ରଶାନ୍ତ ମହାରଣା, ସ୍ୱର୍ଣ୍ଣଲତା ପିରୀ, ଆଲୋକ ଦତ୍ତ, ବାଚୁଶ୍ରୀ ନିବାସନ, ସାବୀର ଖାନ୍ ପ୍ରମୁଖ କାର୍ଯ୍ୟ ସଂଚାଳନା କରିଥିଲେ । ଜିଲ୍ଲାର ବିଭିନ୍ନ ବ୍ଲକରୁ କବି ଓ କବୟିତ୍ରୀମାନେ ଯୋଗ ଦେଇଥିଲେ ।
