ବିଜେପିରେ ଯୋଗଦେଲେ ପାଲଲହଡାର ପୂର୍ବତନ ବିଧାୟକ ରବିନାରାୟଣ ପାଣି
ଅନୁଗୋଳ : (ଯୁଗାଦ୍ଧ ନିଜ୍ୟୁ) ବିଜେପି ଦଳରେ ଯୋଗ ଦେଲେ ପାଲଲହଡାର ପୂର୍ବତନ ବିଧାୟକ ରବିନାରାୟଣ ପାଣି । ଭୁବନେଶ୍ବର ଠାରେ ରାଜ୍ୟ ବିଜେପି କାର୍ୟ୍ୟାଳୟରେ ଆୟୋଜିତ ମିଶ୍ରଣ ପର୍ବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ସେ ବିଧିବଦ୍ଧ ଭାବେ ବିଜେପିରେ ସାମିଲ ହୋଇଛନ୍ତି । ବିଜେଡି ଦଳର ପୂର୍ବତନ ସଚେତକ ରହିଥିଲେ ରବି ପାଣି । ଟିକେଟ୍ ବଣ୍ଟନକୁ ନେଇ ସେ ଅସନ୍ତୁଷ୍ଟ ଥିଲେ । ରବି ପାଣି ତାଙ୍କର ସମର୍ଥକଙ୍କ ସହ ବିଜେପିରେ ସାମିଲ ହୋଇଛନ୍ତି । ପ୍ରକାଶ ଥାଉକି ଗତ ୭ତାରିଖରେ ବିଜେଡିରୁ ଇସ୍ତଫା ଦେଇଥିଲେ ପାଲଲହଡ଼ାର ପୂର୍ବତନ ବିଧାୟକ ରବିନାରାୟଣ ପାଣି। ଦଳ ପ୍ରତି ନିଜର ଅସନ୍ତୋଷ ବ୍ୟକ୍ତ କାରଣରୁ ସେ ଦଳ ଛାଡିଥିବା ଜଣା ପଡିଛି । ନବୀନ ନିବାସ ଯାଇ ସେ ନିଜର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିଲେ ।
