ବିଣାପାଣି କଳା ନିକେତନ ପକ୍ଷରୁ ‘ମୋ ଗାଁ’ ନୃତ୍ୟାଭିନୟ
ହାଟଡ଼ିହି, : ହାଟଡିହି ବ୍ଲକ ଢ଼େଙ୍କା ପଞ୍ଚାୟତର ବାରିଗାଁ ଠାରେ ଯୁବକ ସଂଘ ଓ ଗ୍ରାମବାସୀଙ୍କ ସଂଯୋଜନାରେ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ତହସିଲଦାର ନୃସିଂହ ଚରଣ ଦେହୁରୀ, ବାଇଧର ନାୟକ ପ୍ରମୁଖ ଯୋଗଦେଇ ଯୁବକ ମାନଙ୍କ ଏପରି କାର୍ଯ୍ରକ୍ରମ ଦ୍ୱାରା ଗାଁର ଏକତା ଅଖଣ୍ଡତା ବୃଦ୍ଧି ପାିବ ବୋଲି ମତବ୍ୟକ୍ତ କରିଥିଲେ । ଏହି ଅବସରରେ ବିଣାପାଣି କଳାନିକେତନ ପକ୍ଷରୁ ‘ମୋ ଗାଁ’ନୃତାଭିନୟ ପ୍ରଦର୍ଶନ କରାଯାଇଥିଲା । କଳାକାର ମାନଙ୍କ ପ୍ରଦର୍ଶନରେ ଦର୍ଶକ ବିଭୋର ହୋଇ ଉଠିଥିଲେ । ରବିନ୍ଦ୍ର କୁମାର ସାହୁ, ପ୍ରଦୀପ ସାହୁଙ୍କ ତତ୍ୱାବଧାନରେ ନୃତ୍ୟଶିଳ୍ପୀ ଶଚଭଲକ୍ଷ୍ମୀ ସ୍ୱାଇଁ, ଆରତ୍ରିକା ଦେହୁରୀ, ଦେବାଙ୍ଗୀ ସେନାପତି, ରିତେଶ ଦାସ, ଲିନୁ ମହାନ୍ତି, ଇତିଶ୍ରୀ ଓଝା, ମୋନିକା ଦାସ, ପଦ୍ମଜା ମିଶ୍ର, ଶ୍ରଦ୍ଧାଞ୍ଜଳୀ ସାହୁ, ବିନୋଦ ଓଝା ପ୍ରମୁଖଙ୍କ ନୃତ୍ୟାଭିନୟ ଦର୍ଶକଙ୍କୁ ଆକୃଷ୍ଟ କରିଥିଲା । ଏହି ଅବସରରେ ମୁଖ୍ୟ ଅତିଥି ନୃତ୍ୟଗୁରୁ ଜିତୁ ଦାଶଙ୍କ ସମେତ ସମସ୍ତ କଳାକାର ମାନଙ୍କୁ ଉପଢ଼ୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିବାବେଳେ ଗୟାଧର ରାଉତ, ବାପୁନୁ ଶଙ୍ଖୁଆ, ରବି ସାହୁ ବାବୁଲି ରାଉତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।


