ବିଦ୍ୟାଧରପୁର ପ୍ରାଥମିକ ବିଦ୍ୟାଳୟରେ ସ୍ୱଚ୍ଛତା କାର୍ଯ୍ୟକ୍ରମ

ବାଲେଶ୍ୱର, (ସରୋଜ ପଣ୍ଡା):ଶୁକ୍ରବାର ସକାଳ ୧୦ ଘଟିକା ସମୟରେ ରେମୁଣା ଏନ୍.ଏ.ସି. ଅନ୍ତର୍ଗତ ବିଦ୍ୟାଧରପୁର ପ୍ରାଥମିକ ବିଦ୍ୟାଳୟରେ ଯଶସ୍ଵି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିନ ପରିପ୍ରେକ୍ଷୀରେ ସେବା ସପ୍ତାହ ଅବସରରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ମାନ୍ୟବର ରେମୁଣା ବିଧାୟକ ତଥା ସରକାରୀ ଉପମୁଖ୍ୟ ସଚେତକ ଗୋବିନ୍ଦ ଚନ୍ଦ୍ର ଦାସ, ନାରୀ ନେତ୍ରୀ ଶୋଭନା ମହାନ୍ତି, ବିଧାୟକଙ୍କ ବ୍ୟକ୍ତିଗତ ସହାୟକ କୃଷ୍ଣ ଚନ୍ଦ୍ର ସାହା,ଏନ୍.ଏ.ସି. ସଭାପତି କାହ୍ନୁ ଚରଣ ବେହେରା, ସମ୍ପାଦକ ମହେଶ୍ୱର ପ୍ରଧାନ, ଗ୍ରାମବାସୀ ଏବଂ ବିଦ୍ୟାଳୟ ଶିକ୍ଷୟତ୍ରୀ ଯୋଗ ଦେଇଥିଲେ। ବିଧାୟକ ସମସ୍ତଙ୍କ ସହ ମିଶି ବିଦ୍ୟାଳୟ ପରିସରରେ ସଫେଇ କରିଥିଲେ। ସେ କହିଥିଲେ କି ସବୁବେଳେ ଆମ ଆମ ପାରିପାର୍ଶିକ ପରିବେଶକୁ ସଫା ରଖିଲେ ପରିବେଶ ସୁନ୍ଦର ଲାଗିବା ସହ ଆମେ ସମସ୍ତେ ସୁସ୍ଥ ରହିବା। ଏହା ପରେ ବିଧାୟକ ବିଦ୍ୟାଳୟର ବିଭିନ୍ନ ସମସ୍ୟା ବିଷୟରେ ବୁଝିଥିଲେ। ବିଦ୍ୟାଳୟ ସମସ୍ୟା ବୁଝିବା ପରେ ତାର ଆଶୁ ସମାଧାନ ପାଇଁ ସେ ନିଷ୍ପତି ନେଇଥିଲେ।