ବିଦ୍ୟାର୍ଥୀ ବ୍ୟକ୍ତିତ୍ୱ ବିକାଶ ସମାରୋହ

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :-ଭଣ୍ଡାରିପୋଖରୀ ବ୍ଲକ ରହଣିଆ ପଂଚାୟତ ନୌରଙ୍ଗପୁର ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ବାର୍ଷିକ ଶିଶୁ ବିକାଶ ସମାରୋହ ଏବଂ ଅନୁଷ୍ଠାନ ପ୍ରାଣ ପ୍ରତିଷ୍ଠାତା ସ୍ବର୍ଗତ ସୁନାକର ରାଉତଙ୍କ ସ୍ମୃତି ପ୍ରତିଭା ସମ୍ମାନ ଉତ୍ସବ ଅନୁଷ୍ଠିତ ହୋଇଯାଇଛି । ଶିକ୍ଷାବିତ କାର୍ତ୍ତିକ ଚନ୍ଦ୍ର ସ୍ବାଇଁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଡ଼ିଓ ଦେବଦତ୍ତ ଦାସ, ସମ୍ମାନୀତ ଅତିଥି ଭାବେ ସରପଞ୍ଚ ରଞ୍ଜନ କୁମାର ପରିଡା, ମୁଖ୍ୟବକ୍ତା ଭାବେ  ଶିକ୍ଷାବିତ ନବକିଶୋର ପରିଡା ପ୍ରମୁଖ ଯୋଗଦେଇ ବିଦ୍ୟାଳୟର କର୍ମଭୂମି ସମ୍ପର୍କରେ ବକ୍ତବ୍ୟ  ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ଶିକ୍ଷାବିତ ନୀଳମଣି ନାୟକ, ଯଦୁମଣି ଦାସ, ପବନ ନାୟକ, ଅକ୍ଷୟ ବେହୁରିଆ, ହରେକୃଷ୍ଣ ପାଣିଗ୍ରାହୀ ଏଥିରେ ଉପସ୍ଥିତ ଥିଲେ । ଏହି ଅବସରରେ ପ୍ରଧାନଶିକ୍ଷକ ରବିନ୍ଦ୍ର କୁମାର ମହାରଣାଙ୍କୁ ଶିକ୍ଷାପ୍ରାଣ ସୁନାକର ରାଉତଙ୍କ ସ୍ମୃତି ପ୍ରତିଭାରେ ସମ୍ମାନୀତ କରାଯାଇଥିଲା। ଏହାଛଡା ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବିଦ୍ୟାର୍ଥୀ ମାନଙ୍କୁ ମଧ୍ୟ ଅତିଥିମାନେ ପୁରସ୍କୃତ କରିଥିଲେ । ପ୍ରଧାନ ଶିକ୍ଷକ ପିତାମ୍ବର ରାଉତ ଅତିଥି ପରିଚୟ ପ୍ରଦାନ କରିଥିବା ବେଳେ ଶିକ୍ଷୟତ୍ରୀ କ୍ଷୀରୋଦ ପ୍ରଭା ସ୍ୱାଇଁ ସ୍ୱାଗତ ଭାଷଣ ଓ ପ୍ରଫୁଲ୍ଲ ନାୟକ ଧନ୍ୟବାଦ ଦେଇଥିଲେ । କାର୍ଯ୍ୟକ୍ରମକୁ ଜଗନ୍ନାଥ ପରିଡା, ମଧୁସ୍ମିତା ରାଉତ, ରଞ୍ଜିତା ଜେନା, ରାମଚନ୍ଦ୍ର ରାଉତ, ରତ୍ନାକର ରାଉତଙ୍କ ସମେତ ଗ୍ରାମବାସୀ ମାନେ ପରିଚାଳନା କରିଥିଲେ ।