ବିଭାଗୀୟ କର୍ମଚାରୀଙ୍କ ଦ୍ବାରା କେନ୍ଦୁପତ୍ର ଫଡି ଘର ମରାମତି ଘଟଣା

ସମ୍ବଲପୁର, (ଲିପନ ନାଏକ) :ସମ୍ବଲପୁର ଜିଲ୍ଲା ଜମନକିରା ବ୍ଲକ ଅନ୍ତର୍ଗତ ବଡ଼ରମା କେନ୍ଦୁପତ୍ର ବିଭାଗ ପକ୍ଷରୁ ଶ୍ରମିକଙ୍କ ସ୍ଥାନରେ ମୁନସୀ ଓ ଚେକରଙ୍କୁ ନିୟୋଜିତ କରାଇ କେନ୍ଦୁପତ୍ର ଫଡି ଘର ମରାମତି କାର୍ଯ୍ୟ ହେଉଥିଲା । ଏହି ମରାମତି କାର୍ଯ୍ୟ ଶ୍ରମିକଙ୍କ ପରିବର୍ତ୍ତେ ବିଭାଗୀୟ କର୍ମଚାରୀଙ୍କ ଦ୍ବାରା ହେବା ଅତି ଅସଙ୍ଗତ ହୃଦବୋଧ କରି ଏହି ଖବରକୁ ଦୈନିକ ଯୁଗାବ୍ଦ ଖବରକାଗଜର ପ୍ରତିନିଧି ଗତ ୩୦ ତାରିଖରେ ପ୍ରକାଶିତ କରିଥିଲେ । ବିଭାଗୀୟ କର୍ମଚାରୀଙ୍କ ସମ୍ମାନ କ୍ଷୁର୍ଣ୍ଣ ଭଳି କାର୍ଯ୍ୟରେ ନିୟୋଜିତକୁ ନେଇ କେନ୍ଦୁପତ୍ର ଡ଼ିଏଫଓ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ପୂର୍ବକ ଉଡ଼ଶୁଙ୍ଗ ଫରେଷ୍ଟର ରଶ୍ମୀ ରଞ୍ଜନ ନାୟକଙ୍କୁ ସସସ୍ପେଣ୍ଡ କରିଛନ୍ତି ବୋଲି ଆଜି ବଡ଼ରମା ରେଞ୍ଜ ଅଧିକାରିଣୀ ସରିତା ଚୌଧୁରୀ ପ୍ରକାଶ କରିଛନ୍ତି। ବଡ଼ରମା ରେଞ୍ଜ ଉଡସୁଙ୍ଗ ସେକ୍ସନ ଅଧୀନରେ ଥିବା ବଞ୍ଜାରୀ ବାହାଲ ଗ୍ରାମ କେନ୍ଦୁପତ୍ର ଫଡ଼ିଘର ମରାମତି କାର୍ଯ୍ୟ କରାଯାଉଥିବା ଘଟଣାରେ ବିଭାଗ ପକ୍ଷରୁ ଖବର ପ୍ରକାଶିତ ହେବା ପରେ ସଂଗେ ସଂଗେ ଏହି ପଦକ୍ଷେପ ନିଆ ଯାଇଛି ଏଥିସହ ଅଦ୍ୟାବଧି ଘଟଣାର ତଦନ୍ତ କରାଯାଉଛି। ଅନ୍ୟ ପକ୍ଷରେ କାର୍ଯ୍ୟରେ ନିୟୋଜିତ ଥିବା ଉଡସୁଙ୍ଗ ସେକ୍ସନ ସର୍କଲ ଚେକର ସନ୍ତୋଷ ନାଏକଙ୍କ କହିବା ଅନୁଯାୟୀ ତାଙ୍କର ୪୨ ବର୍ଷର କାର୍ଯ୍ୟକାଳରେ ଏଭଳି କାର୍ଯ୍ଯ କେବେ ବି କରିନଥିଲେ, ଯାହା ଚଳିତ ବର୍ଷ କରିବାକୁ ବାଧ୍ୟ କରାଯାଇଥିଲା। ବଡ଼ରମା ରେଞ୍ଜର ମତେ ନିର୍ଦେଶ ଦେଇଥିଲେ କି ଆପଣ ମୁନସୀ ଚେକର ମାନଙ୍କୁ ଡାକ ଏବେ ବାଉଁଶ କଟାଯାଇ ଫଡ଼ିଘର ମରାମତି ହେବ । ଏଣୁ ମୁଁ ସେମାନଙ୍କୁ ଡାକି ଏହି କାମରେ ନିୟୋଜିତ କରାଇଥିଲି ବୋଲି କହିଥିବା ବେଳେ କେବଳ ଫରେଷ୍ଟରଙ୍କୁ ସସ୍ପେଣ୍ଡ କରି ବିଭାଗୀୟ ଅଧିକାରୀ ନିଜ ଦୋଷକୁ ଲୁକାଇବାକୁ ପ୍ରୟାସ କରୁଥିବା ଚର୍ଚ୍ଚାର ପ୍ରସଙ୍ଗ ପାଲଟିଛି। ଗୋଟିଏ ପଟେ ଫରେଷ୍ଟରଙ୍କୁ ସସସ୍ପେଣ୍ଡ କରାଯାଇଥିବା ବେଳେ ସମ ଭାଗିଦାର ରେଞ୍ଜରଙ୍କ ପ୍ରତି କେବେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ତାହା ଦେଖିବାକୁ ଅପେକ୍ଷା। ଏ ସମ୍ପର୍କରେ ବଡ଼ରମା ରେଞ୍ଜର ସରିତା ଚୌଧୁରୀଙ୍କୁ ପଚାରିବାରୁ ମୁନସୀ ଓ ଚେକରଙ୍କୁ ନିୟୋଜିତ କରି ମରାମତି କାର୍ଯ୍ୟ କରିବାକୁ ମୁଁ କିମ୍ବା କୌଣସି ଉଚ୍ଚ ଅଧିକାରୀ ନିର୍ଦେଶ ଦେଇନାହାନ୍ତି। ମୁଁ ଶୁକ୍ରବାର ଦିନ ସେଠାକୁ ଯାଇଥିଲି ଓ କାମ ଯଥାଶୀଘ୍ର ସାରିବାକୁ ସେମାନଙ୍କୁ କହିଥିଲି ବୋଲି ସଫେଇ ଦେଇଛନ୍ତି ରେଞ୍ଜର ସରିତା ଚୌଧୁରୀ ।