ବିଭିନ୍ନ ଜୁଆ ଆଡ୍ଡା ଉପରେ ବେଲଗୁଣ୍ଠା ପୋଲିସ୍ ର ଚଢ଼ାଉ

ବେଲଗୁଣ୍ଠା, (ସନ୍ତୋଷ ବିଶୋଇ):ଆଜି କୁମାର ପୂର୍ଣ୍ଣମୀ I ଏହି ପ୍ରରିପ୍ରେକ୍ଷୀରେ ଗଞ୍ଜାମ ଜିଲ୍ଲାର ବିଭିନ୍ନ ଗ୍ରାମାଞ୍ଚଳରେ ପୋଲିସ୍ ଆଖିରେ ଧୂଳି ଦେଇ ଜୁଆ ଖେଳର ଆସର ଜମି ଯାଇଥିବା ଦେଖିବାକୁ ମିଳିଛି I କୂମାର ପୂର୍ଣ୍ଣମୀରେ କିଛି ସ୍ଥାନରେ ଜୁଆ ଖେଳ ପ୍ରତି କୋହଳ ମନୋଭାବ ଦେଖାଇଥିବା ବେଳେ ଅଧିକ ଟଙ୍କା ବାଜିରେ ଲଗାଇ ହେଉଥିବା ଜୁଆ ଖେଳ ଗୁଡ଼ିକ ଉପରେ ପୋଲିସ୍ ଚଢ଼ାଉ କରୁଛି I ଆଜି ବେଲଗୁଣ୍ଠା ପୋଲିସ ବଙ୍କା ଗ୍ରାମରେ ଚାଲିଥିବା ଏକ ଜୁଆ ଆଡ୍ଡା ଉପରେ ଚଢ଼ାଉ କରି ୭ ଜଣଙ୍କୁ ଗିରଫ କରିବା ସହିତ ନଗଦ ୧୬,୨୨୦ଟଙ୍କା ଜବତ କରାଯାଇଥିବା ବେଲଗୁଣ୍ଠା ଥାନା ଅଧିକାରୀ ପ୍ରକାଶ କୁମାର ସାହୁ ସୂଚନା ଦେଇଛନ୍ତି I ଏନେଇ ବେଲଗୁଣ୍ଠା ଥାନାରେ ୩୧୨/୨୨ରେ ଏକ ମାମଲା ରୁଜୁ କରାଯାଇଥିବା ପୋଲିସ୍ ସୂତ୍ରରୁ ପ୍ରକାଶ I