ବିଭିନ୍ନ ଦଳ ପକ୍ଷରୁ ଜୋରଦାର ପ୍ରଚାର

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା) :-ପଞ୍ଚାୟତ ନିର୍ବାଚନ ଯେତେ ପାଖେଇ ଆସୁଛି ପ୍ରଚାର ମଧ୍ୟ ସେତେ ଜୋରଦାର ହେବାରେ ଲାଗିଛି । ଏହି ପରିପ୍ରେକ୍ଷୀରେ ଆଜି ଭଣ୍ଡାରିପୋଖରୀ ବ୍ଲକର ବିଭିନ୍ନ ପଞ୍ଚାୟତରେ ବିଜେଡି, ବିଜେପି ଓ କଂଗ୍ରେସ ପ୍ରାର୍ଥୀ ମାନଙ୍କ ସହିତ ଅନ୍ୟାନ୍ୟ ସ୍ୱାଧୀନ ପ୍ରାର୍ଥୀ ପ୍ରଚାର କରିଛନ୍ତି । ୨୪ନଂ ଜୋନ ବାଲିପୋଖରୀ ପଞ୍ଚାୟତ ଠାରେ ବିଜେପି ନେତା ଅଭିମନ୍ୟୁ ସେଠୀ ଓ ବଦ୍ରିନାରାୟଣ ଧଳ, ମହିଳା ନେତ୍ରୀ ତପସ୍ୱିନୀ ମହାପାତ୍ର ଏକ ବାଇକ ରାଲିରେ ଯୋଗଦେଇ ସମର୍ଥିତ ପ୍ରାର୍ଥୀ ମାନଙ୍କୁ ଭୋଟ ଦେବା ପାଇଁ ଜନସାଧାରଣଙ୍କୁ ନିବେଦନ କରିଛନ୍ତି । ଉକ୍ତ ରାଲିରେ ଜିଲ୍ଲା ପରିଷଦ ପ୍ରାର୍ଥୀ ଅକ୍ଷୟ ସାମଲ, ସରପଞ୍ଚ ପ୍ରାର୍ଥୀ ଶ୍ରୀଧର ସ୍ୱାଇଁ, ସମିତିସଭ୍ୟା ପ୍ରାର୍ଥୀନୀ ନୟନା ବେହେରା, ସମାଜସେବୀ ପ୍ରକାଶ ମହାପାତ୍ର, ରାଜଲକ୍ଷ୍ମୀ ସ୍ୱାଇଁ, ଶିବ ନାରାୟଣ ପରିଡା, ହେମନ୍ତ ଜେନା ପ୍ରମୁଖ ଉପସ୍ଥିତ ରହି ଭୋଟ ପାଇଁ ନିବେଦନ କରିଛନ୍ତି । ସେହିଭଳି ରଣଜିତ ପଂଚାୟତ ଠାରେ ବିଜେଡି ସମର୍ଥିତ ସରପଞ୍ଚ ପ୍ରାର୍ଥୀନୀ ସୁଜାତା ସାହୁ ଓ ସମିତିସଭ୍ୟା ପ୍ରାର୍ଥୀନୀ ସୁମତି ସେଠୀ ମଧ୍ୟ ୧୨ଗୋଟି ୱାର୍ଡକୁ ବୁଲି ବୁଲି ପ୍ରଚାର କରିବା ସହ ଏକ ସୁସ୍ଥ ପଞ୍ଚାୟତ ଗଠନ ପାଇଁ ଜନସାଧାରଣଙ୍କୁ ନିବେଦନ କରିଛନ୍ତି । ଏଥିରେ ଯୁବ ବିଜେଡି ନେତା ସୁଶାନ୍ତ ମଲ୍ଲିକ, ତୁଷାରକାନ୍ତ ନାୟକ, ପ୍ରଶାନ୍ତ ଜେନା, ମନୋଜ କୁମାର ବେହୁରିଆ, ପୁରସ୍ତମ ପାଢ଼ୀ, ହରେକୃଷ୍ଣ ଦାସ, ଦିଲ୍ଲୀପ ରାଉତ, ଭରତ ଚନ୍ଦ୍ର ଜେନା ସାମିଲ ହୋଇଛନ୍ତି । ଏହାଛଡା ନେରଡ଼ା, ରହଣିଆ, ମାଳଦା, ନଗୁଆଁ ପ୍ରମୁଖ ପଞ୍ଚାୟତ ଠାରେ ବିଭିନ୍ନ ଦଳର ପ୍ରାର୍ଥୀ ମାନେ ଆଜି ପ୍ରଚାରକୁ ଜୋରଦାର କରିଛନ୍ତି ।