ବିଭିନ୍ନ ସ୍ଥାନରେ ବିଶ୍ୱକର୍ମାଙ୍କ ପୂଜା ଉତ୍ସବ

ଭଣ୍ଡାରିପୋଖରୀ, (ଦୁର୍ଯ୍ୟଧନ ଲେଙ୍କା):ଦୀର୍ଘ ଦୁଇବର୍ଷ ପରେ କରୋନା ମହାମାରୀ କଟକଣା ଉଠିଥିବା ବେଳେ ବିଭିନ୍ନ ପୂଜା ଉତ୍ସବ ପୂର୍ବଭଳି ବେଶ ଧୁମଧାମରେ ଅନୁଷ୍ଠିତ ହେଉଛି। ଏହି ଅବସରରେ ଆଜି ଭଣ୍ଡାରିପୋଖରୀ ବ୍ଲକର ବିଭିନ୍ନ ସ୍ଥାନରେ ବିଶ୍ୱକର୍ମାଙ୍କ ପୂଜା ଉତ୍ସବ ଆୟୋଜନ ହୋଇଛି। ବିଦ୍ୟୁତ କାର୍ଯ୍ୟାଳୟ ଠାରେ କନିଷ୍ଠ ଯନ୍ତ୍ରୀ ସରୋଜ କୁମାର ବେହୁରିଆଙ୍କ ତତ୍ୱବାଧାନରେ ପୂଜା ଆୟୋଜନ ହୋଇଥିବା ବେଳେ ଧାମନଗର ଛକ ବିଦ୍ୟୁତ କାର୍ଯ୍ୟାଳୟ ଠାରେ ମଧ୍ୟ ଅନୁରୂପ ଭାବେ ବିଶ୍ୱକର୍ମାଙ୍କ ପୂଜା ଅନୁଷ୍ଠିତ ହୋଇଛି। ବାରିକପୁର ଗାଡି ଚାଳକ ସଙ୍ଘ, ମାଳଦା ଅଟୋ ଚାଳକ ସଙ୍ଘ, ଭଣ୍ଡାରିପୋଖରୀ ମୋଟର ଚାଳକ ସଙ୍ଘ, ମଞ୍ଜୁରୀରୋଡ଼ ଅଟୋ ଚାଳକ ସଙ୍ଘ, ଡ୍ରାଇଭର ସଙ୍ଘ, ଛତାବର , ଆଖୁଆପଦା ସ୍ଥିତ ମୋଟର ଯାନ ସଙ୍ଘ ପକ୍ଷରୁ ପୂଜା ଅନୁଷ୍ଠିତ ହୋଇଛି। ଏହାଛଡା ବିଭିନ୍ନ ଯାନ୍ତ୍ରିକ ଅନୁଷ୍ଠାନ ଗୁଡିକରେ ମଧ୍ୟ ବିଶ୍ୱକର୍ମାଙ୍କ ପୂଜା ଉତ୍ସବ ବେଶ ଧୁମଧାମରେ ଆୟୋଜନ ହୋଇଛି।