ବିରାଟକାୟ ଆମ୍ବ ଗଛ ପଡ଼ି ରାଜପଥ ଅବରୋଧ

ମୋହନା, (ଅଂଶୁମାନ ପଣ୍ଡା) :-ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ପଥରଗଡ ଗ୍ରାମ ନିକଟ ରାଜ୍ୟ ରାଜପଥ ଉପରେ ଏକ ବିରାଟକାୟ ଆମ୍ବ ଗଛ ପଡି କିଛି ଘଣ୍ଟା ପାଇଁ ରାସ୍ତା ଅବରୋଧ ହୋଇଥିଲା । ଶୁକ୍ରବାର ବିଳମ୍ବିତ ରାତିରେ ଚାନ୍ଦିପୁଟ– ଲୁହାଗୁଡି ଦେଇ ବ୍ରହ୍ମପୁର ଓ ପାରଳାଖେମୁଣ୍ଡି ଯିବା ରାସ୍ତାରେ ଦୀର୍ଘ ୫ ଘଣ୍ଟା ଧରି ଯାନବାହାନ ଚଳାଚଳ ସଂପୂର୍ଣ୍ଣ ବନ୍ଦ ରହିଥିଲା । ସ୍ଥାନୀୟ ଲୋକେ ମୋହନା ଅଗ୍ନିଶମ ବିଭାଗକୁ ଖବର ଦେବା ପରେ ଅଗ୍ନିଶମ ବିଭାଗ ଅଧିକାରୀ ତାରାକାନ୍ତ ମହାପାତ୍ର ଓ କର୍ମଚାରୀ ପହଞ୍ଚି କଟର ମେସିନ ସାହାର୍ଯ୍ୟରେ ରାସ୍ତାରୁ ଗଛ କାଟି ହଟାଇଥିଲେ ।