ବିଲରୁ ବୃଦ୍ଧଙ୍କ ମୃତଦେହ ଉଦ୍ଧାର

ହିଞ୍ଜିଳିକାଟୁ, (ଶେଷଦେବ ସାହୁ): ସୋମବାର ଅପରାହ୍ନରେ ହିଞ୍ଜିଳି ଥାନା ତଥା ୫୯ ନଂ ଜାତୀୟ ରାଜପଥ ଶ୍ୟାମଳାଇ- ବୁରୁପୋଡ଼ା ମଧ୍ୟବର୍ତି ରାସ୍ତା ପ୍ୱାଶ୍ୱର୍ ବିଲ ମଧ୍ୟରୁ ଜଣେ ବୃଦ୍ଧଙ୍କ ମୃତଦେହକୁ ହିଞ୍ଜିଳି ପୁଲିସ ଉଦ୍ଧାର କରିଛି । ମୃତକ ଜଣକ ସ୍ଥାନୀୟ ଥାନା ବୁରୁପୋଡ଼ା ଗ୍ରାମର ଡ଼ାକ ବିଷୋୟୀ (୬୩) । ଏ ନେଇ ହିଞ୍ଜିଳି ଥାନାରେ ନଂ-୨୧/୨୦ରେ ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ଶବକୁ ଜବତ କରିବା ସହ ବ୍ୟବଛେଦ ସକାଶେ ବ୍ରହ୍ମପୁର ବଡ଼ ଡ଼ାକ୍ତରଖାନାକୁ ପଠାଇଛି । ମୃତ୍ୟୁର ସଠିକ କାରଣ ଜଣାପଡ଼ିନଥିବା ବେଳେ ବ୍ୟବଛେଦ ରିପୋର୍ଟ ମିଳିବା ପରେ ମୃତ୍ୟୁର କାରଣ ଜଣାପଡ଼ିବ ବୋଲି ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ କହିଛନ୍ତି । ପ୍ରକାଶ ଯେ, ସୋମବାର ସକାଳେ ବୃଦ୍ଧ ଜଣକ ବିଲକୁ କାମ କରିବାକୁ ଯାଇ ଫେରିନଥିଲେ । ଅପରାହ୍ନରେ ଶ୍ୟାମଳାଇ- ବୁରୁପୋଡ଼ା ମଧ୍ୟବର୍ତି ରାସ୍ତା ପ୍ୱାଶ୍ୱର୍ ବିଲକୁ ମଧ୍ୟରେ ବୃଦ୍ଧଙ୍କ ମୃତଦେହ ପଡ଼ିଥିବା ନେଇ କୌଣସି ସୁତ୍ରରୁ ଖବର ପାଇ ବୁରୁପୋଡ଼ା ଆର.ଆଇ. ସୁଧାଂଶୁ ଶେଖର ପାଣିଗ୍ରାହୀ ଘଟଣା ସ୍ଥଳରେ ପଂହଚି ହିଞ୍ଜିଳି ପୁଲିସକୁ ଖବର ଜଣାଇଥିଲେ ।