ବିଶ୍ୱାସ ଫାଉଣ୍ଡେସନ ପକ୍ଷରୁ ମା’ ପାଇଁ ଗଛଟିଏ କାର୍ଯ୍ୟକ୍ରମ

ବନ୍ତ, (ଚାନ୍ଦିନୀ ମହାନ୍ତି):ସ୍ୱାଧୀନତା ଦିବସ ଅବସରରେ ବନ୍ତ ବ୍ଲକ ଓଡଙ୍ଗସ୍ଥିତ ସତୀ ସାବିତ୍ରୀ ବିଦ୍ୟାଳୟ ପରିସରରେ ଭଦ୍ରକ ଜିଲାର ଅଗ୍ରଣୀ ସେବା ସଙ୍ଗଠନ ବିଶ୍ୱାସ ଫାଉଣ୍ଡେସନ ପକ୍ଷରୁ ମା’ ପାଇଁ ଗଛଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଛାତ୍ରଛାତ୍ରୀଙ୍କ ଦ୍ୱାରା ବିଭିନ୍ନ ପ୍ରତିଯୋଗିତା ସହ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ବିଦ୍ୟାଳୟର ପ୍ରଧାନ ଶିକ୍ଷକ ମାଧବାନନ୍ଦ ମୁଣ୍ଡା, ସିଆରସିସି ପରମେଶ୍ୱର ପୃଷ୍ଟି, ପ୍ରଦୀପ କୁମାର ପଲେଇଙ୍କ ସମେତ ବିଶ୍ୱାସ ଫାଉଣ୍ଡେସନର ସମସ୍ତ କର୍ମକର୍ତ୍ତା ଅତିଥି ଭାବେ ଯୋଗ ଦେଇଥିଲେ । ବିଭିନ୍ନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗୀ ମାନଙ୍କୁ ମାନପତ୍ର, ଟ୍ରଫି ପ୍ରଦାନ କରାଯାଇଥିଲା । ଏଥିସହ ସମସ୍ତ ଛାତ୍ରଛାତ୍ରୀ ମାନଙ୍କୁ ଶାଗୁଆନ, ଆକାଶୀ, ବଉଳ, ଲିମ୍ବ, କୃଷ୍ଣଚୂଡା, ଅର୍ଜ୍ଜୁନ ଆଦି ପ୍ରାୟ ୪ ଶହ ଗଛ ପ୍ରଦାନ କରାଯାଇଥିଲା । ଫାଉଣ୍ଡେସନର ସଭାପତି ଜିତେନ୍ଦ୍ର ଜେନା, ଉପସଭାପତି ପ୍ରଶାନ୍ତ ନାୟକ, ସମ୍ପାଦକ ସୁକାନ୍ତ ବେହେରା, ରତନ ମିଶ୍ର, ଅକ୍ଷୟ ଗିରି, ନିଲେଶ ବାରିକ, ନାରାୟଣ ପରିଡା, ବ୍ରଜ ଗିରି, କୈଳାସ ଜେନା, ଶିବାନନ୍ଦ ସାହୁ, କୀର୍ତ୍ତୀ ଶଙ୍କର ମହାନ୍ତି, ବିଜୟ ଜେନା, ପର୍ଶୁରାମ ଜେନାଙ୍କ ସମେତ ବିଦ୍ୟାଳୟର ଶିକ୍ଷକ ଓ ସମସ୍ତ କର୍ମକର୍ତ୍ତା ମାନେ ସହଯୋଗ କରିଥିଲେ । ଫାଉଣ୍ଡେସନ ପକ୍ଷରୁ ପଞ୍ଚାୟତର ବିଭିନ୍ନ ସ୍ଥାନରେ ୧୦୦ ଗଛ ଲଗାଯାଇଥିଲା ।