ବିହନ ବିଶୋଧନ କାର୍ଯ୍ୟକ୍ରମ ଅନୁଷ୍ଠିତ

ଭଣ୍ଡାରିପୋଖରୀ,(ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ବ୍ଲକ ବନ୍ଦାଳୋ-ମଢିଆଳୀ ଠାରେ ସରପଞ୍ଚ ପ୍ରମିଳା ସାହୁଙ୍କ ଅଧ୍ୟକ୍ଷତାରେ ଏକ ବିହନ ବିଶୋଧନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ନୋଡାଲ ଅଧିକାରୀ ଭାବେ ଶ୍ରୀମତୀ ନଳୀନି ଦଳେଇ ଯୋଗଦାନ କରି ବିହନ ବିଶୋଧନ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ଧାମନଗର ଜିଲ୍ଲା କୃଷି ଅଧିକାରୀଙ୍କ ସମେତ ଗ୍ରାମ୍ୟ କୃଷି ଅଧିକାରୀ ରବିନାରାୟଣ ପାଣି ଯୋଗଦେଇଥିଲେ । କାର୍ଯ୍ୟକ୍ରମରେ ପ୍ରାୟ ୫୦ଜଣ ଚାଷୀ ଅଂଶ ଗ୍ରହଣ କରି ବିହନ ବିଶୋଧନ ସମ୍ପର୍କରେ ଅବଗତ ହୋଇଥିଲେ ।