ବେକରେ ରଶି ଲଗାଇ ମହିଳାଙ୍କ ଆତ୍ମହତ୍ୟା

ହାଟଡିହି, (ବିକାଶ ବିଶ୍ୱାଳ) :-ନନ୍ଦିପଦା ଥାନା ଅଧିନସ୍ଥ ହାଟଡିହି ପଞ୍ଚାୟତ ଗୋପ ଲୁହାରିଆ ସାହିରେ ଜଣେ ମହିଳା ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜରାଯାଇଛି । ଖବରରୁ ଜଣାଯାଇଛି ଯେ ଲୁହାରିଆ ସାହିର ଅନିଜେନା ନାମକ ଜଣେ ବିଧବା ମହିଳା କୌଣସି କାରଣକୁ ନେଇ ତାଙ୍କ ଘର ପାଖରେ ଥିବା ଏକ ଗଛରେ ଚଢ଼ି ବେକରେ ରଶି ଲଗାଇ ଆତ୍ମହତ୍ୟା କରିଦେଇଥିଲେ । ଖବରପାଇ ନନ୍ଦିପଦା ପୁଲିସ ଘଟଣାସ୍ଥଳରେ ପହଞ୍ଚି ମୃତ ଶରୀରକୁ ଓହ୍ଳାଇବାକୁ ଚେଷ୍ଟା କରିଥିଲେ ବି ସମ୍ଭବ ହୋଇ ନଥିଲା । ପରେ ହାଟଡିହି ଅଗ୍ନିଶମ ବାହିନୀର କର୍ମଚାରୀ ମାନେ ପହଞ୍ଚି ମୃତ ଶରୀରକୁ ତଳକୁ ଆଣିବାପରେ ପୁଲିସ ପଞ୍ଚନାମା ପ୍ରସ୍ତୁତ କରି ଶବକୁ ବ୍ୟବଚ୍ଛେଦ ପାଇଁ ଆନନ୍ଦପୁର ଉପଖଣ୍ଡ ଡାକ୍ତରଖାନାକୁ ପଠାଇ ତଦନ୍ତ ଆରମ୍ଭ କରିଛି । ତାଙ୍କର ଦୁଇଟି ଛୋଟ ଛୋଟ ଶିଶୁପୁତ୍ର ଥିବାବେଳେ ଆତ୍ମହତ୍ୟାର କାରଣ ଜଣାପଡି ନାହିଁ ।