ବେଗୁନିଆପଡା ବ୍ଲକରେ କାର୍ଯ୍ୟକାରୀ ହେଲା ବାୟୋମେଟ୍ରିକ

କୋଦଳା,(ବାପୁନି କୁମାର ମାଲୁ):ସରକାରୀ କର୍ମଚାରୀଙ୍କୁ ସମୟାନୁବର୍ତ୍ତିତା ଓ କାର୍ଯ୍ୟରେ ଶୃଙ୍ଖଳା ପାଇଁ ବୁଧବାର ଠାରୁ ବେଗୁନିଆପଡା ବ୍ଲକରେ କାର୍ଯ୍ୟକାରୀ ହେଲା ବାୟୋମେଟ୍ରିକ ସିଷ୍ଟମ । ବ୍ଲକର ସମସ୍ତ କର୍ମଚାରୀ ପ୍ରତ୍ୟେକ ଦିନ ସକାଳ 10 ଘଣ୍ଟ ସମୟରେ ଆସିବେ ଏବଂ 5.30 ମିନଟ ସମୟରେ କାର୍ଯ୍ୟାଳୟ କାର୍ଯ୍ୟ ସାରି ଫେରିବେ । ଆସିବା ଓ ଯିବା ବେଳେ ନିଜର ଆଙ୍ଗୁଠି ଛାପ ଦେଇ ଯିବେ ବାୟୋମେଟ୍ରିକରେ। ଏହି କାର୍ଯ୍ୟକ୍ରମ ବୁଧବାର ଦିନ ଠାରୁ କାର୍ଯ୍ୟକାରୀ କରାଯାଇଥିଲା । ଭାରପ୍ରାପ୍ତ ବିଡ଼ିଓ ସସ୍ମିତା ଶତପଥୀ ପ୍ରଥମେ ଆଙ୍ଗୁଠି ଛାପ ଦେଇ ଶୁଭାରମ୍ଭ କରିଥିଲେ । ଏହି ସମୟରେ ଏବିଡ଼ିଓ ନିରଞ୍ଜନ ବେହେରା, ବ୍ଲକ ଫାଇନାନ୍ସ ଅଧିକାରୀ ଏମଡି ଆଜାରୁଧୀନ ଖାନଙ୍କ ସମେତ ସମସ୍ତ କାର୍ଯ୍ୟାଳୟର ସମସ୍ତ କର୍ମଚାରୀ ଉପସ୍ଥିତ ଥିଲେ ।