ବେଙ୍ଗାଲୁରୁରେ ଏରୋ ଇଣ୍ଡିଆ ଶୋ’ ଆରମ୍ଭ
ବେଙ୍ଗାଲୁରୁ: ବେଙ୍ଗାଲୁରୁର ୟେଲହାଙ୍କା ବିମାନଘାଟିରେ ବୁଧବାରଠାରୁ ଏରୋ ଇଣ୍ଡିଆ ଶୋ’ ଆରମ୍ଭ ହୋଇଛି। ଏଥିରେ ବିଭିନ୍ନ ଦେଶରୁ ବାୟୁସେନାର ବହୁ ଲଢ଼ୁଆ ଯୁଦ୍ଧ ବିମାନ ସାମିଲ ହୋଇ କଳାକୌଶଳ ପ୍ରଦର୍ଶନ କରୁଛନ୍ତି। ଏହି ଶୋ’ ୪ଦିନ ଧରି ଚାଲିବ। ପ୍ରତିରକ୍ଷା ମନ୍ତ୍ରୀ ନିର୍ମଳା ସୀଥାରମଣ ଏଥିରେ ଯୋଗଦେଇ ଶୋ’କୁ ଉଦଘାଟନ କରିଛନ୍ତି। ଶୋ’ ଅବସରରେ ଏକ ରାଉଣ୍ଡ ଟେବୁଲ ବୈଠକ କରାଯିବ। ସେହିପରି ଡ୍ରୋନ ଅଲିମ୍ପିକ୍ସ, ଷ୍ଟାର୍ଟଅପ ମନ୍ଥନ ପ୍ରଦର୍ଶନୀର ମୁଖ୍ୟ ଆକର୍ଷଣ ରହିବ।
ତେଜସ ଯୁଦ୍ଧ ବିମାନ ବ୍ୟତୀତ ଏଚଏଚଟି-୪୦(ବେସିକ ଟ୍ରେନର ଏୟାରକ୍ରାଫ୍ଟ), ହକ୍ ଏମକେ ୧୩୨(ହକ-ଆଇ), ସିଭିଲ ଡିଓ-୨୨୮, ଲାଇଟ ହେଲିକପ୍ଟର, ଲାଇଟ ୟୁଟିଲିଟି ହେଲିକପ୍ଟର, ଲାଇଟ କମ୍ବାଟ ହେଲିକପ୍ଟର ଆଦି ୬୧ଟି ଯୁଦ୍ଧ ବିମାନ ଶୋ’ରେ ଭାଗନେଇଛନ୍ତି। ଆକାଶରେ ଯୁଦ୍ଧ ବିମାନଗୁଡ଼ିକର କଳାକୌଶଳ ଅତ୍ୟନ୍ତ ଆକର୍ଷଣୀୟ ଥିଲାବେଳେ ଦର୍ଶକମାନେ ଏହାର ଭରପୂର ମଜା ଉଠାଉଛନ୍ତି। ଏହି ଶୋ’ ଏସିଆ ମହାଦେଶର ସବୁଠାରୁ ବଡ଼ ଶୋ’ ବୋଲି କୁହାଯାଉଛି। ସୂଚନାଯୋଗ୍ୟ, ମଙ୍ଗଳବାର ଅଭ୍ୟାସ ବେଳେ ମଝି ଆକାଶରେ ୨ଟି ସୂର୍ଯ୍ୟକିରଣ ବିମାନ ମୁହାଁମୁହିଁ ଧକ୍କା ହେବା ଫଳରେ ଜଣେ ପାଇଲଙ୍କ ମୃତ୍ୟୁ ଘଟିଥିଲା।
