ବେଲଗୁଣ୍ଠା ପ୍ରକଳ୍ପ ସ୍ତରୀୟ ରାଷ୍ଟ୍ରୀୟ ପୋଷଣ ମାସ କାର୍ଯ୍ୟକ୍ରମ
ବେଲଗୁଣ୍ଠା, (ସନ୍ତୋଷ ବିଶୋଇ):ବେଲଗୁଣ୍ଠା ବ୍ଳକ୍ ରାଜୀବଗାନ୍ଧୀ ସେବା କେନ୍ଦ୍ର ଠାରେ ପଞ୍ଚାୟତ ସମିତି ଅଧ୍ୟକ୍ଷ ପ୍ରଶାନ୍ତ କୁମାର ନାୟକଙ୍କ ଅଧ୍ୟକ୍ଷତାରେ ବେଲଗୁଣ୍ଠା ପ୍ରକଳ୍ପ ସ୍ତରୀୟ ରାଷ୍ଟ୍ରୀୟ ପୋଷଣ ମାସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏହି କାର୍ଯ୍ୟକ୍ରମରେ ଅତିଥି ରୂପେ ଅତିରିକ୍ତ ଜିଲ୍ଲାପାଳ ଲୀନା କୁମାରୀ ଖେସ୍,ଜିଲ୍ଳା ସମାଜ ମଙ୍ଗଳ ଅଧିକାରିଣୀ ଅବିଦା ପରବିନ୍ ପ୍ରମୁଖ ଯୋଗଦେଇ ପୋଷଣ ମାସ କାର୍ଯ୍ୟକ୍ରମକୁ ନେଇ ହଜାରେ ଦିନର ପୁଷ୍ଟିକର ଖାଦ୍ୟ,ଅନ୍ନ ପ୍ରାସନ୍ନ, ଗର୍ଭବତୀ ଓ ପ୍ରସୂତିଙ୍କୁ ତୃଣମୂଳ ସ୍ତରରେ ସଚେତନ କାର୍ଯ୍ୟକ୍ରମ ସମ୍ପର୍କରେ କହିବା ସହିତ ଏହାଦ୍ୱାରା ପ୍ରତ୍ଯେକ କିଶୋରୀ, ଗର୍ଭବତୀ,ପ୍ରସୂତୀ ଏବଂ ଜନ୍ମରୁ ଛଅ ବର୍ଷ ଶିଶୁଙ୍କୁ କୁପୋଷଣରୁ ସୁପୋଷଣକୁ ନେଇ ସୁସ୍ଥ ସମାଜ ଗଠନ ଦିଗରେ ମତବ୍ୟକ୍ତ କରିଥିଲେ I କାର୍ଯ୍ୟକ୍ରମକୁ ସମନ୍ୱିତ ଶିଶୁ ବିକାଶ ଅଧିକାରିଣୀ ବିଶ୍ୱପ୍ରିୟ ସେଠୀ ସଂଯୋଜନା କରିଥିଲେ I କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବେଲଗୁଣ୍ଠା ନଗରପାଳ ଫିରୋଜ ସେଠୀ,ଭଞ୍ଜନଗର ଉପଖଣ୍ଡ ଅଧୀନସ୍ଥ ଶେରଗଡ଼, ସୋରଡ଼ା, ଜଗନ୍ନାଥପ୍ରସାଦ, ଆସିକା ଏବଂ ଧରାକୋଟ ବ୍ଳକ୍ ର ସମନ୍ୱିତ ଶିଶୁ ବିକାଶ ଅଧିକାରିଣୀ,ବାଲ୍ୟ ବିବାହ ଜିଲ୍ଳା ସଂଯୋଜକ ବେବ୍ରତ ମହନ୍ତ, ଜିଲ୍ଳା ପୋଷଣ ସଂଯୋଜକ ଅମିତ୍ ତ୍ରିପାଠିଙ୍କ ସମେତ ଆଠଟି ବ୍ଳକ୍ ର ପୋଷଣ ସଂଯୋଜକ,ଅଞ୍ଚଳ ପରିଦର୍ଶିକା,ବେଳେ ବ୍ଳକ୍ ର ବ୍ଳକ୍ ର ଆଶାକର୍ମୀ, ଅଙ୍ଗନୱାଡ଼ି କର୍ମୀ ଏବଂ ବହୁ ଶିଶୁ, କିଶୋରୀ ଏବଂ ଗର୍ଭବତୀ ମାଆ ଉପସ୍ଥିତ ଥିଲେ I
