ବୈଷ୍ଣବ ଚରଣ ଉଚ୍ଚ ବିଦ୍ୟାଳୟରେ ବହାରିପୁର ସୁବର୍ଣ୍ଣ ଜୟନ୍ତୀ ପାଳନ ପ୍ରସ୍ତୁତି ବୈଠକ

ହାଟଡିହି, (ବିକାଶ ବିଶ୍ୱାଳ):ବୈଷ୍ଣବ ଚରଣ ଉଚ୍ଚ ବିଦ୍ୟାଳୟରେ ସୁବର୍ଣ୍ଣ ଜୟନ୍ତୀ ପାଳନ କରିବା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ଅନୁଷ୍ଠିତ ବୈଠକରେ ସଭାପତିତ୍ବ କରିଥିଲେ ପୂର୍ବତନ ପ୍ରଶାସନ ଅଧିକାରୀ ଲୋକନାଥ ସା। ବିଦ୍ୟାଳୟର ପ୍ରଧାନ ଶିକ୍ଷକ ଜୟକୃଷ୍ଣ ମିଶ୍ର, ପୂର୍ବତନ ପ୍ରଧାନ ଶିକ୍ଷକ ଭରତ ଚନ୍ଦ୍ର ସାହୁ, ଶିକ୍ଷକ ଯୁଧିଷ୍ଠିର ପାତ୍ର, ଅକ୍ରୁର ସାହୁ, ମନୋରଞ୍ଜନ ସାହୁ, ପୁରାତନ ଛାତ୍ର ସୁରେଶ ଚନ୍ଦ୍ର ସାହୁ, ଶଶିଭୂଷଣ ତ୍ରିପାଠୀ, ଆନନ୍ଦ ଚନ୍ଦ୍ର ସାହୁ, ମନ୍ମଥ ଦଳାଇ, ପତିତପାବନ ନନ୍ଦ, ତପନ କୁମାର ନାୟକ, ଅଧର ବେହେରା, ମଦନ ମୋହନ ବିଶ୍ଵାଳ, ପ୍ରମୁଖ ଯୋଗଦେଇ ସୁବର୍ଣ୍ଣ ଜୟନ୍ତୀ ପାଳନ କରିବା ପାଇଁ ନିଜ ନିଜର ମତାମତ ରଖିଥିଲେ। ବିଦ୍ୟାଳୟରେ ପଢୁଥିବା ଗ୍ରାମ ଗୁଡ଼ିକର ପୁରାତନ ଛାତ୍ର ଛାତ୍ରୀ ମାନଙ୍କୁ ଯୋଗା ଯୋଗ କମିଟିର ସଭ୍ୟ ଭାବେ ମନୋନୀତ କରାଯାଇଛି। ସୁବର୍ଣ୍ଣ ଜୟନ୍ତୀ କୁ ଧୁମ୍ ଧାମରେ ପାଳିତ କରିବା ପାଇଁ ସଭାରେ ନିଷ୍ପତି ହୋଇଥିଲା। ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟତ୍ରୀ ସହଯୋଗ କରିଥିଲେ। ପୁରାତନ ଛାତ୍ର ତପନ କୁମାର ନାୟକ ଧନ୍ୟବାଦ ଦେଇ ଥିଲେ।