ବ୍ରହ୍ମପୁର ସାଂସଦଙ୍କ କାଶୀନଗର ଗସ୍ତ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) : ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ କାଶୀନଗର ବ୍ଲକ ଗସ୍ତ କରିଥିବା ଜଣାପଡିଛି । ପ୍ରଥମେ ସେ ଖାଣ୍ଡବା ପଞ୍ଚାୟତ ଅଧୀନସ୍ଥ ବାଡିଗାଁରେ ପହଞ୍ଚି ବିଜେଡିର ବରିଷ୍ଠ ବ୍ଲକସ୍ତରୀୟ ନେତା ଆର୍.ସତୀଶଙ୍କୁ ଭେଟିଥିଲେ । ପ୍ରକାଶ ଯେ, ଅଳ୍ପ ଦିନ ପୂର୍ବେ ଖୁବ୍ କମ୍ ସମୟ ବ୍ୟବଧାନରେ ସତୀଶଙ୍କ ବାପା,ମାଆ ଓ ପତ୍ନୀଙ୍କ ଦୁଃଖଦ ବିୟୋଗ ଘଟିଥିଲା । ଗ୍ରାମବାସୀଙ୍କ ସମସ୍ୟା ସମ୍ପର୍କରେ ତାପରେ ସାଂସଦ ଆଲୋଚନା କରିଥିଲେ । ବାଡିଗାଁ ପରେ ସାରା ଗ୍ରାମରେ ପହଂଚି ଥିଲେ ସାଂସଦ । ଗ୍ରାମବାସୀଙ୍କ ଅଭାବ ଅସୁବିଧା ବୁଝିବା ପରେ କାଶୀନଗର ସହରକୁ ଆସି ବ୍ଲକ ଓ ଏନ୍ଏସିରେ ଦଳର ସ୍ଥିତ ଓ ଅଗ୍ରଗତିର ସମୀକ୍ଷା କରିଥିଲେ । ଏ ଅବସରରେ ମନୋବଳ ଦୃଢ ରଖି ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଲଢିବା ପାଇଁ ପରାମର୍ଶ ଦେଇଥିଲେ । ସ୍ଥାନୀୟ ନେତାମାନଙ୍କୁ । ସାଂସଦଙ୍କ ଗସ୍ତ ସମୟରେ ତାଙ୍କ ସହ ବ୍ଲକ ବିଜେଡି ସଭାପତି ଆର୍.ରାମ ପ୍ରସାଦ, ଏନ୍ଏସି ସଭାପତି ରଘୁରାମ ସହୁ, ଏନ୍ଏସି ଯୁବ ବିଜେଡି ସଭାପତି ରାଜେଶ ମିସାଲ, ଜିଲ୍ଲା ଉପସଭାପତି କେ.ଆପ୍ପାରାଓ ପ୍ରମୁଖ ଉପସ୍ଥିତଥିଲେ ।
