ବ୍ଲକ ସ୍ତରୀୟ ବିଜ୍ଞାନ ମେଳା ତଥା କୁନି ବୈଜ୍ଞାନିକ ପ୍ରଦର୍ଶନି ଅନୁଷ୍ଠିତ

କବିସୂର୍ଯ୍ୟନଗର, (କୃଷ୍ଣ ଚନ୍ଦ୍ର ନାହକ): ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ସ୍ଥିତ ଶ୍ରୀ ଚନ୍ଦ୍ରଶେଖର ହାଇସ୍କୁଲ ଠାରେ ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି. ଗୋଷ୍ଠୀ ଶିକ୍ଷା ଅଧିକାରୀ ଅଭିମନ୍ୟୁ ସାହୁଙ୍କ ସଭାପତିତ୍ୱ ରେ ଅନୁଷ୍ଠିତ ମେଳାକୁ ମହନ୍ତ ଶ୍ରୀ ବ୍ରଜବନ୍ଧୁ ଦାସ ମହାରାଜ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଥିବା ବେଳେ ସମ୍ମାନୀୟ ଅତିଥି ଭାବେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ରବି ନାରାୟଣ ବେହେରା, ମାଧବ ଚନ୍ଦ୍ର ମାଝୀ,ସଂଗଠନ ସମ୍ପାଦକ ମିହିର କୁମାର ଶତପଥୀ, ପ୍ରଧାନ ଶିକ୍ଷକ ସିମାଞ୍ଚଳ ପାଣି, ମଧୁସୂଦନ ମହାପାତ୍ର, ଦିବାକର ଶତପଥୀ, ସାଂସଦ ପ୍ରତିନିଧି ଶ୍ରୀକାନ୍ତ ମହାପାତ୍ର ଯୋଗ ଦେଇ. ବିଜ୍ଞାନ ସମ୍ବନ୍ଧୀୟ ସଚେତନ କରିବା ସହ ପ୍ରଦର୍ଶିତ ପ୍ରକଳ୍ପ ପରିଦର୍ଶନ କରିଥିଲେ। ବିଚାରକ ଭାବେ ପ୍ରାଣୀ ବିଜ୍ଞାନ ପ୍ରାଧ୍ୟାପିକ ଶିଶିର କୁମାର ନାୟକ, ପ୍ରାଣୀ ବିଜ୍ଞାନ ପ୍ରାଧ୍ୟାପକ ମନୋଜ କୁମାର ସାହୁ, ରଶ୍ମିତା କୁମାରୀ ପାଣିଗ୍ରାହୀ, ଯୋଗ ଦେଇ କୁନି ବୈଜ୍ଞାନିକ ଙ୍କ ଦ୍ୱାରା ପ୍ରଦର୍ଶିତ ବିଭିନ୍ନ ପ୍ରକଳ୍ପ କୁ ଅନୁଧ୍ୟାନ କରି ପୁରସ୍କୃତ ପାଇଁ ଚୟନ କରିଥିଲେ. ଅନୁଷ୍ଠିତ ମେଳା ରେ କବିସୂର୍ଯ୍ୟନଗର ବ୍ଲକ ର ବିଭିନ୍ନ ବିଦ୍ୟାଳୟ ରୁ 162 ଟି ପ୍ରକଳ୍ପ ସ୍ଥାନ ପାଇଥିଲା.। ମେଳା ପ୍ରଦର୍ଶନ ପାଇଁ ବହୁ ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟତ୍ରୀ ଯୋଗ ଦେଇଥିବା ଜଣାଯାଇଛି.