ବ୍ୟବସାୟୀ ଙ୍କ ମୃତ୍ୟୁ ରେ ବଜାର ବନ୍ଦ

ନିମାପଡ଼ା, (ସନ୍ତୋଷ ଦାଶ):ପୁରୀ ଜିଲ୍ଲା ନିମାପଡ଼ା ବ୍ଲକ ତୁଳସୀପୁର ଗ୍ରାମ ର ବ୍ୟବସାୟୀ ସୁବାସ ଚନ୍ଦ୍ର ସାହୁ ଙ୍କ ର ଗତକାଲି ପରଲୋକ ଘଟିଛି। ତାଙ୍କ ଦେହ ହଠାତ୍ ଅସୁସ୍ଥ ହୋଇପଡ଼ିବାରୁ ତାଙ୍କୁ ପରିବାର ଲୋକମାନେ ପ୍ରଥମେ ଚାରିଛକ ସ୍ଵାସ୍ଥ୍ୟ କେନ୍ଦ୍ର କୁ ଚିକିତ୍ସା ପାଇଁ ନେଇଥିଲେ। ସେଠାରୁ ତାଙ୍କୁ ଭୁବନେଶ୍ବର ସ୍ଥାନାନ୍ତର କରା ଯାଇଥିଲା। ତଥାପି ତାଙ୍କ ସ୍ଵାସ୍ଥ୍ୟ ଅବସ୍ଥା ନ ସୁଧୁରିବାରୁ ତାଙ୍କୁ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ତେବେ କଟକ ବଡ଼ ଡ଼ାକ୍ତରଖାନାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିଲେ। ତାଙ୍କ ମୃତ୍ୟୁ ଖବର ଜଣାପଡ଼ିବାପରେ ତୁଳସୀପୁର, ଅଡଶପୁର, ନିଆଳି, ଭୁବନେଶ୍ୱର ଅଞ୍ଚଳ ରେ ଶୋକ ର ଛାୟା ଖେଳି ଯାଇଛି। ତାଙ୍କ ସମ୍ମାନାର୍ଥେ ଆଜି ଦିନକ ପାଇଁ ତୁଳସୀପୁର ଗଣେଶ ବଜାର କୁ ବନ୍ଦ ରଖାଯାଇଥିଲା। ସ୍ୱର୍ଗତ ସାହୁ ଜଣେ କରତ କଳ ମାଲିକ ଓ ପ୍ରତିଷ୍ଠିତ କାଠ ବ୍ୟବସାୟୀ ଭାବେ ଲୋକପ୍ରିୟ ହୋଇ ପାରିଥିଲେ। ମୃତ୍ୟୁ ବେଳକୁ ତାଙ୍କ ନିକଟରେ ତାଙ୍କ ଦୁଇ ପୁଅ ରାଜା ଓ ସୋନୁ ଉପସ୍ଥିତ ଥିଲେ।