ଭଲ ନୁହେଁ ଅତ୍ୟଧିକ ଗ୍ରୀନ୍ ଟି

କିଛି ବର୍ଷ ହେଲାଣି ଗ୍ରୀନ ଟିର ପ୍ରଚଳନ କରାଯାଇଛି । ଓଜନ କମାଇବାରେ ସାହାଯ୍ୟ କରୁଥିବା ଗ୍ରୀନ୍ ଟି ଏକ ଲୋକ ପ୍ରିୟ ପାନୀୟ ପାଲଟିଯାଇଛି । ଏହାକୁ ଏକ ଉପାଦେୟ ହର୍ବାଲ ପାନୀୟ ଭାବେ ଗଣନା କରାଯାଏ । ତେବେ କମ୍ ଲୋକ ଏହା ଜାଣିଥିବେ ଯେ ଅଧିକ ମାତ୍ରାରେ ଗ୍ରୀନ ଟି ପିଇଲେ ଶରୀର କ୍ଷତି ହୋଇଥାଏ ।ଗୋଟିଏ ଦିନରେ ଦୁଇ କପ୍ରୁ ଅଧିକ ଗ୍ରୀନ୍ ଟି ପିଇଲେ ଶରୀର ପ୍ରତି କ୍ଷତିକାରକ ହୋଇଥାଏ । ଗ୍ରୀନ୍ ଟିରେ ଟୋନିନ୍ସ ନାମକ ଏକ ତତ୍ତ୍ୱ ରହିଛି । ତେଣୁ ଅଧିକ ମାତ୍ରାରେ ଗ୍ରୀନ ଟି ପିିଇଲେ ମୁଣ୍ଡ ବିନେ୍ଧ, ପେଟ ଦରଜ ହୁଏ, ଏସିଡିଟି ଓ ଝାଡାବାନ୍ତି ସହିତ କୋଷ୍ଠକାଠିନ୍ୟ ମଧ୍ୟ ହୋଇଥାଏ ।ଖାଲି ପେଟରେ ଗ୍ରୀନ୍ ଟି ପିଇବା ଅଧିକ ବିପଦ ।ଅଧିକ ମାତ୍ରାରେ ଗ୍ରୀନ୍ ଟି ପିଇଲେ ରାତିରେ ନିଦ ହୁଏ ନାହିଁ । ରାତିରେ ଭଲ ନିଦ ନ ହେଲେ ଅନ୍ୟ ରୋଗ ହେବାର ଆଶଙ୍କା ବଢ଼ିଯାଏ ।ହୃତ୍ପିଣ୍ଡ ପାଇଁ ଭଲ ନୁହେଁ ମାତ୍ରାଧିକ ଗ୍ରୀନ୍ ଟି ସେବନ । ଅଧିକ ଗ୍ରୀନ୍ ଟି ପିଇଲେ ହୃତପିଣ୍ଡ ଜଡିତ ଅନେକ ରୋଗ ହେବାର ଆଶଙ୍କା ଅଧିକ ରହିଥାଏ ।ଗର୍ଭବତୀ ମହିଳାମାନଙ୍କୁ ଗ୍ରୀନ ଟି ନ ପିଇବା ପାଇଁ ପରାମର୍ଶ ଦିଆଯାଏ । କାରଣ ଏହା ଦ୍ୱାରା ଗର୍ଭପାତର ଆଶଙ୍କା ରହିଥାଏ ।