ଭସାଣି ବେଳେ ଗୋଷ୍ଠୀ ସଂଘର୍ଷ ନାବାଳକ ସହ ୩ଅଭିଯୁକ୍ତ ଗିରଫ

ନବରଙ୍ଗପୁର,(ୱାଏନଏସ):ନବରଙ୍ଗପୁର ସହରରେ,ମା ଦୁର୍ଗାଙ୍କ ଭାଷାଣି ରେ ଗୋଷ୍ଠୀ ସଂଘର୍ଷରେ ଜଣେ ମୃତ ଘଟଣାରେ ଅଭିଯୁକ୍ତ ମାନଙ୍କୁ ଗିରଫ କରିବାରେ ସଫଳ ହୋଇଛି ନବରଙ୍ଗପୁର ସଦର ଥାନା ପୋଲିସ । ଜଣେ ନାବାଳକ ସହ ୩ ଆକ୍ରମଣକାରୀଙ୍କୁ ଗିରଫ କରିଛି ନବରଙ୍ଗପୁର ପୋଲିସ । ଘଟଣା ଅନୁସାରେ ଗତ ୧୪ ତାରିଖ ଦିନ ନବରଙ୍ଗପୁର ସହରରେ ମାଙ୍କ ଭଷାଣି ସମୟରେ କିଛି ଯୁବକଙ୍କ ଛୁରା ମାଡ଼ରେ ସହରର ଦଣ୍ଡାସି ସାହିର ତେଜାବ ହରିଜନ ଓ କିରଣ ଗଦବା ନାମକ ଦୁଇଜଣ ଗୁରୁତର ହୋଇପାଡିଥିଲେ । ତେବେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ କିରଣ ଗାଦବାର ମୃତ୍ୟୁ ଘଟିଥିଲା । ଅନ୍ୟ ଜଣେ ତେଜବ ହରିଜନ ଗୁରୁତର ଥିବାବେଳେ ତାଙ୍କୁ ଅଧିକ ଚିକିତ୍ସା ପାଇଁ କୋରାପୁଟ ସ୍ଥିତ ମେଡ଼ିକାଲକୁ ସ୍ଥାନାନ୍ତର କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ନବରଙ୍ଗପୁର ସହର ସୌରା ସାହିର ବୋନି ନାୟକ,ବଡ଼ ହରିଜନ ସାହିର ମହିତ ନାୟକ, ନନ୍ଦାହାଣ୍ଡି ବ୍ଲକ ନିସନାହାଣ୍ଡି ଗାଁର ସୁରଜ ହରିଜନଙ୍କ ସହ ଜଣେ ନାବାଳକ ଥିବା ନବରଙ୍ଗପୁର ଆଇଆଇସି ସୂଚନା ଦେଇଛନ୍ତି । ସମସ୍ତ ଙ୍କୁ କୋର୍ଟ ଚାଲାଣ କରାଯାଇଥିବା ଆଇଆଇସି ସମ୍ବିତ କୁମାର ବେହେରା ସୂଚନା ଦେଇଛନ୍ତି । ତେବେ ଘଟଣା ର ତଦନ୍ତ ଚାଲିଥିବାରୁ ଅନ୍ୟ ଅଭିଯୁକ୍ତ ଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି କହିଛନ୍ତି ଆଇଆଇସି ସମ୍ବିତ ବେହେରା ।