ଭାଗବତପୁର ପଞ୍ଚାୟତରେ ସରପଞ୍ଚ ପ୍ରାର୍ଥୀନୀଙ୍କ ପ୍ରଚାର ଜୋରଦାର
କେନ୍ଦ୍ରାପଡା, (ଚିତ୍ତରଞ୍ଜନ ଦାସ) :-କେନ୍ଦ୍ରାପଡା ବ୍ଲକ ଅନ୍ତର୍ଗତ ଭାଗବତପୁର ପଞ୍ଚାୟତରେ ସରପଞ୍ଚ ପ୍ରାର୍ଥୀନୀ ମିନତୀ ଦାସ ଓ ପ୍ରିୟଙ୍କା ପ୍ରିୟଦର୍ଶିନୀ ନାୟକ ସେମାନଙ୍କ ନିର୍ବାଚନୀ ପ୍ରଚାର ଜୋରଦାର କରିଥିବା ଦେଖିବାକୁ ମିଳିଛି । ରବିବାର ପ୍ରଚାରର ଶେଷ ଦିନ ଥିବାରୁ ଉଭୟ ପ୍ରାର୍ଥୀନୀ ସେହି ପଞ୍ଚାୟତର ପ୍ରତି ଗ୍ରାମରେ ଶୋଭାଯାତ୍ରା ଓ ର୍ୟାଲି କରି ଭୋଟରମାନଙ୍କ ନିକଟରେ ଭୋଟ ଭିକ୍ଷା କରିଛନ୍ତି । ଉଭୟ ଶତାଧିକ ସମର୍ଥକମାନଙ୍କୁ ସାଙ୍ଗରେ ନେଇ ପଞ୍ଚାୟତର ପ୍ରତି ଗ୍ରାମରେ ବୁଲି ଭୋଟ ପ୍ରଚାର କରିବା ସହ ଭୋଟରମାନଙ୍କୁ ନିଜ ଆଡକୁ ଆକର୍ଷିତ କରିବା ପାଇଁ ପ୍ରୟାସ ଜାରି ରଖିଛନ୍ତି । ଏଠାରେ ସୂଚନା ଯୋଗ୍ୟ ଯେ ମିନତୀ ଦାସଙ୍କ ସ୍ୱାମୀ ଧରଣୀଧର ଦାସ ଉପନିର୍ବାଚନରେ ସରପଞ୍ଚ ଭାବେ ବିଜୟୀ ହୋଇ ସେହି ପଞ୍ଚାୟତର ସରପଞ୍ଚ ଭାବେ କାର୍ଯ୍ୟରତ ଅଛନ୍ତି । ସ୍ୱାମୀଙ୍କ ବିକାଶ ମୂଳକ କାର୍ଯ୍ୟକୁ ପାଥେୟ କରି ମିନତୀ ଭୋଟ ଭିକ୍ଷା କରୁଥିବା ବେଳେ ଯୁବନେତା ସଂଗମଙ୍କ ପତ୍ନୀ ପ୍ରିୟଙ୍କା ପ୍ରିୟଦର୍ଶିନୀ ଆଗାମୀ ଦିନରେ ସେହି ପଞ୍ଚାୟତର ଜନସାଧାରଣଙ୍କ ସେବା କରିବା ସହ ପଞ୍ଚାୟତର ବିକାଶ କରିବାକୁ ପ୍ରତିଶୃତି ବଦ୍ଧ ବୋଲି ଭୋଟରଙ୍କୁ କହିଛନ୍ତି ।
