ଭାତ କୁ ପାଣିଆ ଡାଳି ଦେଖି ବିଧାୟକ ଙ୍କ ଅସନ୍ତୋଷ

ଗଞ୍ଜାମ, (ବିନୋଦ ପଲାଇ):ଗଞ୍ଜାମ ବ୍ଳକ ଅନ୍ତର୍ଗତ ପାଳିବନ୍ଧ ଉଚ୍ଚ ପ୍ରାଥମିକ ବିଦ୍ଯାଳୟ ବିଧାୟକ କୃଷ୍ଣଚନ୍ଦ୍ର ନାୟକ ପରିଦର୍ଶନ କରିଥିଲେ। ପାଠପଢା ଗୁଣାତ୍ମକ ମାନ, ସ୍ବଚ୍ଛତା, ମଧ୍ଯାହ୍ନ ଭୋଜନ ମାନ ପରକ୍ଷିଥି ଲେ। ଅପରାହ୍ନ ମଧ୍ଯାହ୍ନ ବିରତି ପରେ ପିଲା ମାନେ ମଧ୍ଯାହ୍ନ ଭୋଜନ ଖାଇବାକୁ ବସିଥିଲେ। ପିଲା ମାନେ ଖାଉଥିବା ସମୟରେ ବିଦ୍ୟାଳୟରେ ପହଞ୍ଚିଥିଲେ। ଜଣେ ଛାତ୍ରୀ ଠାରୁ ମଧ୍ୟାହ୍ନ ଭୋଜନ ମାଗି ଖାଇଥିଲେ l ଭାତକୁ ପାଣିଆ ଡାଳି ଦେଖି ଅସନ୍ତୋଷ ପ୍ରକାଶ କରିଥିଲେ। ପରେ ରୋଷେଇ ଦାୟିତ୍ୱରେ ଥିବା ମହିଳାଙ୍କୁ ଡାକି ଆଜି କେତେଜଣଙ୍କ ପାଇଁ ରନ୍ଧା ଯାଇଥିଲା ଏବଂ ଡାଲି କଣ ପାଇଁ ସରିଗଲା ଓ ଏତେ ପାଣିଆ କଣ ପାଇଁ ପଚାରି ବୁଝିଥିଲେ l ପରେ ପ୍ରଧାନଶିକ୍ଷୟତ୍ରୀ ଙ୍କୁ ଜଣଙ୍କ ପିଲା ପିଛା କେତେ ଡାଳି ଓ ଚାଉଳ ପଡୁଛି ପଚାରି ଥିଲେ। ଡାଳି ବସ୍ତାରୁ ଡାଳି ମାନ ଦେଖିଥିଲେ। ଆଗାମୀ ଦିନରେ ଡାଲି ପାଣିଆ ନ କରିବା ପାଇଁ ନିର୍ଦେଶ ଦେଇଥିଲେ l. ଏହି ସମୟରେ ସେଠାରେ ଥିବା ବିଦ୍ୟାର୍ଥୀଙ୍କ ସହ ଭାବବିନିମୟ କରିଥିଲେ l ଏହି ଗ୍ରସ୍ତ ସମୟରେ ଗଞ୍ଜାମ ବ୍ଳକ ବିଧାୟକ ପ୍ରତିନିଧି ମାନସ ରଞ୍ଜନ ନାହାକ ପ୍ରମୁଖ ଉପସ୍ଥିତ ଥିଲେ l