ଭିନ୍ନକ୍ଷମ ବିଦ୍ୟାର୍ଥୀ ପ୍ରଶିକ୍ଷଣ କର୍ମଶାଳା

ଭଣ୍ଡାରିପୋଖରୀ, (ଦୁର୍ଯ୍ୟୋଧନ ଲେଙ୍କା): ଭଣ୍ଡାରିପୋଖରୀ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଏକ ଭିନ୍ନକ୍ଷମ ପ୍ରଶିକ୍ଷଣ କର୍ମଶାଳା ଅନୁଷ୍ଠିତ ହୋଇଯାଇଛି । ଶିକ୍ଷୟତ୍ରୀ ତପଜା ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ସହଶିକ୍ଷାଧିକାରୀ ଅନିଲ କୁମାର ବଳ, ଗୋଷ୍ଠୀ ଦିବ୍ୟାଙ୍ଗ ସଂଯୋଜକ ରଶ୍ମିରଞ୍ଜନ ଦାସ, ସାଧନକେନ୍ଦ୍ର ସଂଯୋଜକ କୈଳାସ ଚନ୍ଦ୍ର ସାମଲ ପ୍ରମୁଖ ଯୋଗଦେଇ ଭିନ୍ନକ୍ଷମ ବିଦ୍ୟାର୍ଥୀଙ୍କ ଚିହ୍ନଟ ପ୍ରଣାଳୀ, ପ୍ରଶିକ୍ଷଣ ଓ ତତସମ୍ପର୍କିତ ସୁବିଧା ସୁଯୋଗ ବାବଦରେ ଆଲୋକପାତ କରିଥିଲେ । ଶିକ୍ଷକ ଆଶୁତୋଷ କର ଅତିଥି ପରିଚୟ, ଜଗବନ୍ଧୁ ମହାନ୍ତି ଆଭିମୁଖ୍ୟ ପ୍ରଦାନ ଓ ଜ୍ୟୋସ୍ନାରାଣୀ ସାହୁ ଧନ୍ୟବାଦ ଦେଇଥିଲେ । ଏଥିରେ ଅନେକ ଅଭିଭାବକ ଯୋଗଦେଇଥିବାବେଳେ କାର୍ଯ୍ୟକ୍ରମକୁ ଶିକ୍ଷକ ସୀତାରାମ ଦାସ, ଧରଣୀଧର ସ୍ୱାଇଁ, ପ୍ରମିଳା ପରିଡା, ରାଜଶ୍ରୀ ଜେନା, ଜ୍ୟୋସ୍ନାରାଣୀ ଜେନା, ପ୍ରଶାନ୍ତ ରଥ ପ୍ରମୁଖ ପରିଚାଳନା କରିଥିଲେ ।