ମକର ସଂକ୍ରାନ୍ତିରେ ଅସହାୟ ବୃଦ୍ଧବୃଦ୍ଧାଙ୍କୁ କମ୍ବଳ ବଂଟନ
ଖୋର୍ଦ୍ଧା, (ଯୁଗାବ୍ଦ ନ୍ୟୁଜ):ପ୍ରତାପରୁଦ୍ରପୁର ଗ୍ରାମପଂଚାୟତ ଅନ୍ତର୍ଗତ ବେତେଣ୍ଡା ଗ୍ରାମରେ ଚରକ ଇନଷ୍ଟିଚ୍ୟୁଟ୍ ଅଫ ଯୋଗା ଟ୍ରଷ୍ଟ ପକ୍ଷରୁ ପବିତ୍ର ମକର ସଂକ୍ରାନ୍ତି ଅବସରରେ ବୃଦ୍ଧବୃଦ୍ଧାମାନଙ୍କୁ କମ୍ବଳ ବଂଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆଜି ବେତେଣ୍ଡା ଗ୍ରାମରେ ଥିବା ଶିବ ମନ୍ଦିର ପ୍ରାଙ୍ଗଣରେ ଉକ୍ତ କମ୍ବଳ ବଂଟନ କରାଯିବା ସହ ଶୁଖିଲା ଖାଦ୍ୟ ମଧ୍ୟ ବଂଟନ କରାଯାଇଥିବା ଦେଖିବାକୁ ମିଳିଥିଲା । ଏହି କମ୍ବଳ ବଂଟନ ପ୍ରାୟ ୩୦ ଜଣ ବୃଦ୍ଧବଦ୍ଧାଙ୍କୁ ପ୍ରଦାନ କରାଯିବା ସହ ଏହିପରି କାର୍ଯ୍ୟକ୍ରମ ଆଗକୁ ଜାରି ରହିବ ବୋଲି ଚରକ ଇନ୍ଷ୍ଟିଚ୍ୟୁଟ୍ ଅଫ୍ ଯୋଗା ଟ୍ରଷ୍ଟ ପକ୍ଷରୁ ପ୍ରକାଶ କରାଯାଇଛି । ଏହିପରି ସମାଜସେବାକୁ ଚରକ ଇନ୍ଷ୍ଟିଚ୍ୟୁଟ ଅଫ ଯୋଗା ଟ୍ରଷ୍ଟ ପକ୍ଷରୁ କରାଯାଉଥିବାରୁ ନିମନ୍ତ୍ରିତ ଅତିଥି ଭାବେ ଉପସ୍ଥିତ ଥିବା ପୂର୍ଣ୍ଣଚନ୍ଦ୍ର ପ୍ରଧାନ, ଗୋଷ୍ଠୀ ସ୍ୱାସ୍ଥ୍ୟ ଅଧିକାରିଣୀ ସୀମାଞ୍ଜଳୀ ଜେନା, ଆଶାଦିଦି ରୀତା ଗୋଚ୍ଛାୟତ ଓ ଗ୍ରାମର ପ୍ରମୁଖବ୍ୟକ୍ତିମାନେ ଭୂୟସୀ ପ୍ରଶଂସା କରିଥିଲେ । ଏହି କମ୍ବଳ ବଂଟନକୁ ଚରକ ଇନଷ୍ଟିଚ୍ୟୁଟ ଅଫ୍ ଯୋଗା ଟ୍ରଷ୍ଟର ସଂପାଦକ ତଥା ଯୋଗ ଓ ପ୍ରାକୃତିକ ବୈଦ୍ୟଗୁରୁ ଡକ୍ଟର ଦିପକ ରଞ୍ଜନ ବେହେରା ଆୟୋଜନ କରିବା ସହ ପ୍ରସାଦ ଦେବନର କରାଯାଇଥିବା ଦେଖିବାକୁ ମିଳିଥିଲା ।
